第二日瞓到好晏，好彩早餐去到10:30am，雖然時間晏，但個場都仲好full，我地被安排去另一邊廂，個邊地方細啲，亦有提供食物，人少啲靜靜地唔錯呀！亦可以出去大場拎野食，基本上食物係完全一樣~ 點擊圖片放大 +8 食飽飽出發～今日坐車去東京巨蛋，由台場去水道橋站，車程都要大概40分鐘，包囡可以係BB車再瞓一陣。 一出站，就望到遠遠嘅過山車，附近亦有好多畀小朋友玩嘅機動遊戲。 可惜全部包囡都未啱玩，而且包囡仲瞓緊，我地先去LaQua個邊逛，點知一入商場，包囡就醒左，而且佢亦冇耐性陪行街，唯有用食物安撫佢：「我地去食嘢啦！」 撞正食晏時間，而且今日係星期日，大部分餐廳都大排長龍。咁啱前面見到間cafe~ nana’s green tea，有飯食而且唔使等位，即去！ 包生最愛嘅明太子飯+熱hojicha～ 包太嘅牛油果吞拿魚山芋飯+凍hojicha～感覺好健康！ 包囡嘅雞肉溫泉蛋飯，包囡唔食得生蛋，包太用牛油果同山芋幫你換走佢呀！正！ 每個set份量唔多，包囡自己都KO左成碗飯！（補充：包囡好鍾意食嘢！）啲菜式好健康，好有專為女士而設嘅感覺，或者係幫你留肚食甜品，可惜我地都唔係抹茶控，而且包囡有兩聲咳，所以完全冇叫甜品，見到隔離枱一杯杯雪糕，係幾吸引，下次啦～ 食飽就出去搵ASObono！自問今次懶做功課，所以由LaQua去ASObono都搵左陣路。 我地先出左LaQua，去對面tokyo dome city attractions ，見到海盜船、揸車等機動遊戲，再行過啲，穿過個food court就到啦！有google map係手，點都唔會蕩失路嘅，不過呢到沿途嘅指示真係唔太清晰。 嘩！呢到勁多人，排哂長龍，專程黎到當然照排隊！幾經辛苦終於轉到彎，見到個門口啦！ 終於入場，星期日嘅下晝，我地排左約半個鐘，都唔算太耐！入場先放好BB車同鞋，再排隊畀錢租locker，放低野就入去玩啦！坦白講，場內簡直係人山人海！包生話見到好多人同細菌… 包囡最鍾意嘅買餸+煮飯仔～ 一大堆被蹂躪完嘅玩具～ 點擊圖片放大 小遊戲area~ 點擊圖片放大 砌火車area～ 0-24個月嘅area~ 冇小朋友玩嘅桌上遊戲～ 其他~ 呢到冇地方食嘢，只有幾部汽水機，可能係strategies，玩到餓就要走啦！包囡喪玩左2個鐘，好乖咁因為肚餓就走啦！我地畀包囡食啲snacks先，食飽又玩飽，包囡就乖乖瞓著左。呢邊啲店唔太啱行，所以決定番台場搵飯食。 番到台場，又去酒店對面嘅Aqua City上層揀餐廳，呢邊啲餐廳間間都好吸引，今次去左6樓嘅神戶元町ドリア食暖笠笠嘅芝士risotto ，燉牛肉芝士飯～ 海鮮飯 兒童餐（差唔多食完先記得影） 食飽飽，落地下Lawson補給下啤酒就番酒店啦！
