原本個行程應該係聖誕節福岡閃4日，但包囡臨出發前一晚同果朝都發燒，於是決定全家都唔出發。 包太同包囡講：「我地唔去旅行啦，你唔舒服呀，我地下次再去啦！」 發緊燒嘅包囡：「我好番啦，可以而家去玩啦！」 小朋友呢個年紀真係幾可愛~ 包生見可以Claim番啲旅費，於是就再黎一次快閃，即買過年紅日初一至初四出發。為左玩盡啲，包囡第一次挑戰Red eye flight! 年三十晚出機場，12:45am先上機，打算趁AE lounge 12:30am收工前食個宵夜，估唔到今晚勁多人，排左條小人龍。好彩都入到去食野打底。 今次去程搭CX，包囡呢個時間仍然保持亢奮，好事好事，上機前都同包囡講定，我地上飛機就要瞓覺，如果唔係第二日會好眼瞓家bla bla bla⋯結果，包囡一上機當然好雀躍咁揀卡通睇，過一陣包囡個child meal到，開餐先～ 正常meal～附送新年零食！ 食飽又睇卡通睇到攰啦，包囡終於瞓！小朋友細細粒幾好，可以瞓係爸爸媽媽大脾上，坐Econ位都可以瞓平個人！包生唔使問啦，瞓著冇難度，而包太就有如冇瞓過一樣⋯⋯ 清晨到成田，8:45am先有出台場嘅巴士，所以我地先係機場食早餐。4/F 間餐廳都幾多元化，中西日式咩都有~你食得落，漢堡包餐都有！ 點擊圖片放大 食飽飽就上巴士再瞓過！ 今次4日咁短，主打台場一帶 (上次未行夠!)，包生Book 左台場Hilton，巴士直達酒店門口。10:00am到酒店，但太早啦，未有得check-in住，職員話1 點先有房，於是我地放低行李，著番厚衫就出去行街。 東京而家只有幾度，而且近海邊好大風，真係要著厚啲，戴哂冷帽、手襪、口罩先好出發！包囡體質似包生，唔怕凍，對手仲暖笠笠！包太表示慚愧，成日取阿囡啲暖！ Hilton行去Aqua City唔使5 分鐘，可惜商場開11:00am，未有得行，唯有行遠少少去Diver City。一入門口就有幅backdrop，百厭包囡！ 呢到最著名嘅景點就係幾層樓高嘅高達 ，sorry包太完全唔識欣賞。 呢個商場都多野行，仲有啲特別野，例如：Doraemon館同屎屎博物館。 包囡最有興趣就係Sanrio~ 不停試書包！ 隔離啲人形燒好得意呀~ 買完野就係food court食lunch。 呢個food court 好體貼，差唔多間間店都有兒童餐！同包囡巡一圈後order嘅蛋包飯～ 而家大個囡啦，會有自己主見，而且尊重佢意見後，包囡會更樂意食！ Food court嘅好處：包生包太可以食刺身飯～ 食飽就番酒店check-in，呢間酒房賣點係好多房都睇到海景，出名嘅彩虹橋就係正出面，而且好多房都有露台，景觀好好！ 房間嘅裝修就冇大阪新宿Hilton咁潮，舊少少，不過整體上都好舒適。 點擊圖片放大 +5 包生包太真係青春不再，決定join包囡一齊瞓晏覺。瞓瞓下突然門鐘響，酒店侍應送上welcoming snacks，咁客氣呀！ 瞓到6 :00pm，過對面Aqua City 行，先去Disneystore。 就到櫻花季節，全部公仔都變哂色。 女士都係鍾意呢啲野~ 再去BabyRus shopping，包囡玩到唔捨得走！ 重要任務：買巧虎尿片（唔理價錢啦，帶得太少！） 今次shop多一樣野： 上去6樓五右衛門食個簡簡單單嘅 pasta dinner~ 點擊圖片放大 +2 等食時包囡畫嘅巧虎～ 接近2歲10個月嘅包囡識畫外貌，有齊眼耳口鼻，仲有鬍鬚添，好叻囡呀！ 好味道！ 點擊圖片放大 +2 食完晚飯就番去瞓啦～始終Red eye flight 大家都辛苦⋯包囡真係好乖好叻女，冇投訴、冇扭計，繼續保持活潑好動，食得玩得，抵包生包太成日帶你出遊！
