霎個眼就最後一日，食完早餐就出梅田站最後衝刺！最鐘意行阪急三番街，有好多得意野睇下，又可以睇下衫，睇下鞋⋯⋯⋯ 又係佢，再影多次~ 點擊圖片放大 +4 最後買啲手信同紫菜卷，番酒店拎行李就搭巴士出機場。搭巴士要成個鐘，梗係呢個時候食lunch～ 包生係 BA Silver，所以可以入Business lounge，而我就帶住包囡，係機場侯機室出面個小朋友area陪包囡玩。 幾個cushion，一部播緊Pokemon嘅大電視，已經夠包囡hea到陣！ 上飛機啦，又係睇電視時間。小朋友個Dinner meal 正好多喎！有糖，又有朱古力，有啫喱，仲有雪糕添！ 番到香港，肚子餓，再去 "Root98 Grab 'n' Go" 用CX AE張卡換左2份晚餐番屋企食，你唔介意當然可以堂食！ 4日3夜快閃，攰過平日番工，不過平日少陪包囡，去旅行可以帶包囡周圍玩，希望佢會記得，亦會覺得開心！
