第一日太攰，第二日唔願起身。有lounge嘅好處係，早餐去到10:30am，可以瞓多半個鐘。我地10點後起身，落到去快快拎完，就可以hea住食～ 想睇早餐相，可以睇番前幾頁嘅「第一次三人自由行~大阪4日遊: Day 2 天王寺Q's Mall」 食飽飽，再出發去天王寺。經過西梅田站，發現有間Dr. Stretch，好想試吓！不過似乎日日都有街去，好難抽到時間。 去天王寺，都係想入天王寺公園搵BorneLund（係，我地太冇創意，淨係去呢個連鎖）。 3個人 day pass ¥2000，價錢同香港比真係相差好遠。 仲有一個月Pass添，住係呢到就好啦~ 天王寺呢間勁過尋日個間好多，地方大好多。 BB Area~ 點擊圖片放大 跑跑跳跳Area~ 點擊圖片放大 塗鴉手工Area~ 點擊圖片放大 +4 Reading Area~ 戶外玩泥沙區~ 出戶外前，可以換水鞋，唔怕玩得太dirty！ 點擊圖片放大 +5 呢到有沙又有水，真係可以玩到好污糟。包囡見到啲姐姐煮暗黑料理，自己又跟住玩，最後倒到一枱都係，當然一身濕晒，所以黎呢到一定要帶多套衫！ 中午時間，肚仔餓，過隔離食Pizza & pasta。 點擊圖片放大 +4 食飽飽，包生同包囡再入去BorneLund玩，包太就轉戰Q’s Mall。呢期賣緊換季衫，好啱睇呀～掛住買，真係唔得閒影相⋯⋯ 好鍾意行呢個商場，除左因為有akachan honpo之外，呢到都有好多童裝店，個人至愛：petit main，apres les cours，branshes stella等等， 另外亦有bic camera, donguri republic, tokyu hands, snoopy store, Disney store, rillakkuma store等等，唔睇小朋友野，仲有大量男女裝，所以真係好好行。 點擊圖片放大 +3 今次我地嘅策略係，帶少啲尿片，黎到先買！因為可以買巧虎片，包囡可以開心下～ 有巧虎圖案係片上~ 每個小朋友家庭都應該有嘅企高凳仔，其實幾十蚊應該有交易，點解屋企樓下間Aeon 要幾百蚊先買到張？當然，冇可能係到買張凳仔番去⋯ 逛得咁上下，包生推住瞓著左嘅包囡黎join我一齊shop！ 呢間bic camera雖然細，不過款式好新，例如係新鮮出爐嘅game～ 呢盒玩具好得意，遇冷熱會變色！包太企左係個電視機仔前睇左好耐！ 最神似同得意應該係煮拉麵套裝，不過包囡應該未識煮熟呢個concept，所以買左盒寵物畀佢，沖涼會變色，應該易明啲！ 點擊圖片放大 +2 包生話呢個正：Bose出嘅太陽眼鏡連喇叭，又型又可以聽歌！ 包生係呢個架前睇左好耐，實在唔明點解要研究咁耐⋯⋯ 呢排研究緊剪頭髮，買個髮鏟番去玩下先～ 我地再去近鐵商場12樓食肉處阿倍野きっしゃん 呢到冇得散叫碗熱烏冬，飯又只得石鍋飯，上次叫過包囡唔食，唯有叫左個しゃぶしゃぶset畀包囡，另外再叫兩個燒和牛set。煮左包囡個しゃぶしゃぶ先，餵飽包囡。 點擊圖片放大 再換鐵板燒和牛，好彩包囡都算有耐性，keep住食！ 點擊圖片放大 食飽飽好滿足呀！包太都好滿足，滿載而歸～
