話咁快就最後一日。 食飽早餐，就快快出去梅田阪急三番街最後衝刺！ 阪急三番街裝修左之後，好多舖頭位置都轉左，亦開左啲新店。 例如係LEGO shop 長老係LEGO shop睇到唔捨得走，花多眼亂！ 買左好多盒LEGO畀佢啲孫仔女，人人有份，包囡仲有兩盒1.5歲適合玩嘅LEGO！ 我主要係想去Kiddyland睇下Miffy~ 亦都買下野畀自己~ 經過間布藝舖頭ユザワヤ，入面有好多靚靚布。 見到有款新出嘅寫名Label幾好喎，唔使用熨斗，就咁貼就得。 買啲番去試試先！ 點擊圖片放大 嗚~行街嘅時間真係太短啦… 不過我地冇時間啦，要番酒店Pack野！ Request左late check-out，不過都Late唔到好多，12:00左右我地就離開酒店！ 而家識路，可以係Hilton經地下街，直接行去Herbis機場巴士站。 包囡係車上好乖咁睇街街，冇瞓到… 到機場之後，我地先寄行李。 回程我地要停一站台北，包生同我換到Business，而後Join嘅兩位長老就係Prem Econ + Econ，第二程機仲遲我地30分鐘先起飛，所以包生提議將全部行李畀唒我地寄，咁長老落機就唔使等行李。好似好醒咁！ 我地又係將BB車寄艙，包生話想試試坐Business寄嘅BB車會唔會早啲出到黎！ 上機前，可以係CX Lounge食下野~ 點擊圖片放大 +3 野食唔多，但勝在人少！ 帶包囡坐Business真係唔錯！張櫈大啲，包囡仲可以同我平排坐。 又有張枱畀佢拎唒啲玩具出黎玩，畫畫都得！ 我地揀左中間位坐，包生可以望到包囡，又可以同佢玩，亦唔怕佢搞到隔離乘客。唔錯！ 包生兩程機都掛住飲同食，仲好犀利咁識畀相機食先！ 點擊圖片放大 包囡回程嘅兩程機都好合作，我地順利番到香港啦！ 包生出發前係機場網頁買左幾隻行李牌，百幾蚊5隻玩下： 出發前先係機場App嘅「行李送達通知」登記，等行李嘅時候就可以專心玩電話！ 如果行李就出黎（2分鐘之後出黎），同真係出左黎，個App會有Pop up通知。 無無聊聊，都幾得意！ 不過……BB車係冇通知家，因為BB車唔係由行李帶跌出黎！ 而最後我地架BB車……當然又係全機行李出哂，都仲未等到！ 我地唔會再係番香港程機將BB車寄艙！！！ 我地唔會再係番香港程機將BB車寄艙！！！ 我地唔會再係番香港程機將BB車寄艙！！！ 4日真係好快過… 去旅行嘅時候，包囡就會瞓少左，辛苦佢啦！ 不過見到佢古靈精怪，好似知道我地帶左佢去玩，feel到佢都好enjoy，好開心！ 真係覺得佢長大左，學識好多野咁！ 下次去旅行，一定要預行程畀包囡啦！
