一早起身，又係9:30後先落去食早餐。 兩位長老食住早餐等我地。 今日係星期六，早餐時間延長到10:30，我地唔使食得咁趕！ 食飽飽，執齊野出發去天王寺。 我地推住BB車帶路，兩位長老係後面跟住行，但行行下⋯⋯佢地突然唔見左！ 好彩我地有兩隻WiFi蛋，即刻打電話搵佢地！過左一陣，終於集齊人可以繼續行！ 唔好問原因啦，一定係我地行得太快！！ 係梅田站搭Metro去天王寺站，15分鐘就到。 去到先上Abeno Harukas 8樓童裝部～ 包囡腳仔大左，要買定對鞋。 包囡舊鞋： 包囡新鞋： 睇黎睇去，都係呢個款最靚！ 平日又著得，著靚靚裙亦襯到！ 長老又挑戰新難度：佢地想買set煮飯仔畀包囡。 係幾靚嘅！不過，個廚櫃係one piece，冇得拆件，放唔到入喼。 如果真係買，要成件寄艙。 長老真係好堅持，問職員拎個現貨睇再研究。 好彩職員話：而家冇貨，要訂！ 太好啦～ 行完8樓，過對面Q’s Mall。 首先去Ito Yokado，今日比較多人，買野意欲都細左。 點擊圖片放大 +2 買左好多頭飾畀包囡 包生見到呢個介紹大叫：「唔係呀0麻！」 98%醫生認為玩麵包超人玩具有助腦部發展？ 口裡就不，身體最誠實！ 之後佢揀左呢樣玩具畀包囡： 仲有： 另外仲係底層supermarket買左好多零食，精選： 呢款麻辣味超正！ 點擊圖片放大 接近秋天，期間限定味道： 點擊圖片放大 +2 係Ito Yokado Supermarket買哂野之後，出去搞退稅。 呢到退稅好嚴謹，要逐樣貨再掃過bar code入機，所以pack好左嘅野係要全數拎番出黎「嘟」，然後再重新pack番入袋！ 係Ito Yokado BB野個層買嘅野當中，只有張receipt寫明係Ito Yokado個啲先可以退稅。 長老話：早知係Abeno Harukas個邊買Sanrio野！ 係嘅…個邊商場買滿¥5000就可以去3.5樓退稅，反而呢邊冇。 不過啲款式同價錢，究竟邊邊多啲同抵啲呢？咁就真係唔太肯定喎！ 結論：睇0岩就買，唔好諗太多！ Lunch去左1樓foodcourt，雖然只係普通foodcourt，但呢到設備好完善，有大量BB櫈，有水杯&水供應。食完野要自己執，所以有抺枱布同洗手盤，可以洗手。 除左包生，大家都不約而同揀左大起水產。 包生特意幫我個upgrade左啲吞拿魚，入口即溶，味道鮮甜，真係好好食！ 而包生就揀左呢間~ 食飽飽又繼續逛～ 行左好多間童裝舖、Bic Camera、Rilakkuma store、Donguri Republic、Snoopy shop、Tokyu Hands… 係Donguri 買左把長傘，完全冇諗過佢長得咁緊要⋯（把遮放唔到入喼，最後拎住上機同轉機！） 買完野，過番Abeno Harukas 12樓Encore上次食過嘅燒牛牛：黑毛和牛焼肉 肉處 阿倍野 きっしゃん。 點擊圖片放大 牛牛嘅味道同上次一樣咁好食，可惜包囡唔太合作！ 欣賞美食真係要係the right time & with the right person… 由於唔太enjoy嘅關係，包生買左宵夜！ 點擊圖片放大
