酒店早餐去到10:00，我地9:30先落去3/F食早餐。 兩位長老已經坐定定，仲幫我地預備左BB櫈同BB餐具。 同上次一樣：caterpillar餐具。 食物選擇同上次lounge嘅早餐差唔多，呢到好似多少少選擇添，而且有廚師即煮omelette。當然，人就比lounge多，所以食物都去得快啲⋯ 食完早餐，番房睇下包囡個飯～ 幾好呀！同平時屋企煮開個啲差唔多！ 載好飯壺，執好野就出發去奈良。 我地係梅田站，搭Metro去難波，再轉近鐵去奈良，車程大概一個鐘。 去到奈良，先入tourist information拎個地圖，再去對面巴士總站買車飛。 原先預計會去幾個點，唔記得扶老攜幼，高估左大家嘅行動力，所以買左day pass（¥500/大人）。 最後，只係搭左一來一回兩程巴士，巴士單程收費¥210，即每人蝕左¥80。 差幾蚊，豪畀你～ 買完車飛，就係出面巴士站等車。 基本上大部分行經呢個站嘅巴士都去到主要景點，所以好快就有巴士。 我地係春日大社站落車。 向商店街方向行，沿途已經有好多鹿等緊開餐⋯ 其中有隻仲走黎搜身⋯ 最後連地圖都唔放過！ 本身係網上睇左啲餵鹿仙貝嘅Tips，不過畀啲鹿仔嚇一嚇，包太怕怕，冇膽餵鹿啦！我地都係睇下好啦～ 沿商店街行，周圍都係鹿，亦有好多餵緊鹿，或者被鹿追緊嘅人⋯⋯ 如果你膽夠大，其實可以走入奈良公園親親鹿仔，但一定要有被鹿追嘅準備！ 我地去到11點幾，有啲鹿仔已經被餵飽，懶洋洋咁趴係舖頭外面嘆冷氣。 包囡見到鹿仔好興奮，又想摸下，但又怕怕⋯ 長老就陪包囡摸隻嘆冷氣中嘅鹿仔，果然隻鹿仔冇乜反應！摸完冇事，包囡更加出力周圍摸鹿，睇到我更加怕怕⋯⋯ 基本上沿途都係睇鹿，完全冇留意四圍嘅店舖係賣咩！ 大概就係賣鹿仙貝、凍飲、雪糕、同堆一般手信、紀念品等等。 我地行去東大寺影張相，就行番出去繼續睇鹿～ 包囡見到鹿仔，不停咁同佢地揮手say hello，好開心咁追住啲鹿仔。 見到包囡咁開心，包生包太都滿足哂～ 沿途係商店街搵餐廳食晏，呢到選擇唔多。 我地去左食蕎麥麵，長老就叫左咖哩飯。包囡就食愛心飯～ 天氣太熱，包生同長老們仲好高興咁飲啤酒！ 食飽我地就向春日大社方向行，呢程路都有啲遠。 尾段仲要上斜坡，推住BB車其實有啲吃力，辛苦包生！！ 不過沿途有好多石燈籠，兩邊又有樹蔭，環境好舒適～ 點擊圖片放大 去到春日大社，逛個圈，買下御守，就沿路離開。 本來打算去五重塔，但今日已經行左好多路，擔心長老們支持唔住，所以放棄。 我地搭巴士出番近鐵站再行。 鹿仔，Bye Bye啦~ 係近鐵站隔離商店街逛。 先搵間cafe畀長老們坐下休息下，包囡又可以再食過。 抖一陣，再周圍行行。 向上望：有間貓頭鷹cafe 太可惜啦～剛剛先係另一間cafe走出黎！ 一場黎到，梗係要試試中谷堂嘅麻糬。 味道唔太甜，幾好食喎！ 逛完商店街，就搭番近鐵去難波，係心齋橋逛街！ 買左對好可愛嘅Winnie the Pooh水鞋畀包囡！ 長老（跟團）黎日本咁多次，竟然冇食過蟹宴！ 我地當然要帶兩位長老去蟹道樂道頓堀本店試試。 今次做到野：帶鍾意食蟹嘅長老食全蟹宴！（即刻好威威） 我地叫左兩份夕霧、一份望月同一份水晶，另外加左個螃蟹釜飯畀包囡。 點擊圖片放大 +9 圖片只有前半段，因為後半段大家都好忙咁食，完全忘記左影相。 兩位長老超滿意！ 辛苦包囡，要陪我地食餐漫長嘅晚餐！ 今日飲飽食醉，滿足地番酒店～
