包生8月中見暑假尾8月31日至9月3日（星期五至一）有機位，於是即刻申請假期。 點知最後一日放唔到假，唯有改早一日（8月30日至9月2日）。 弊！改早一日得停台北business，冇econ！ 好，照打去CX問：BB飛來回要幾錢？ $1055！！Econ 去，business番，竟然係$1055？！ 點解上次我地來回大阪嘅econ BB飛要$1300？？ 乜機票價錢都係海鮮價？！即時覺得上次被搵了笨⋯ BB飛價錢ok，包生上網換兩張大人來回機票，去程econ（10000里），回程business（25000里），中途停留台北。 受惠Asiamile 減econ里數之下，每人35000里+$471稅。 換完大人機票，即刻再打電話去CX買BB飛。 Yeah！三人快閃成行～ 誰不知⋯⋯⋯ 包太兩位長老聽到快閃，成個星期日日轟炸： 咁短時間佢地報唔切旅行團，得四日跟團唔抵，都冇選擇，淨係得大陸團，佢地又唔想番大陸⋯⋯⋯ 出哂口術⋯⋯⋯ 我地唯有⋯⋯ 一。齊。快。閃！ 辛苦包生⋯⋯ 隔左一個星期，其實即係出發前一星期，包生再上CX網頁睇。 去程冇哂econ位，得business，照換！ 回程由大阪去台北換到prem econ， 台北番香港個轉，我地班機已經full哂， 幫佢地搵另一架遲15分鐘嘅Econ機位番香港， 每人40400里+$551稅。 辛苦包生！！ 兩老即刻好滿意，晚飯都加左餸！ 就係咁，3人開心快閃，變做唯有5人一齊閃⋯⋯ （現在回想，好彩揀左9月2日回程！如果向後改就大件事啦！有颱風係大阪，關西機場到而家都未全部開番哂！） 今次係包囡第4次飛日本，但亦係最擔心嘅一次。 因為包囡而家1歲5個月，學識say NO同尖叫，並唔再係之前嘅飯團，真係擔心佢會失控狂叫！ 隨着包囡長大，要為佢準備嘅野都愈來愈多。 包囡4日3夜行李清單： 衣物類 1 底衫 x 6套（3套後備） 2 面衫 x 6套（3套後備） 3 褲 x 3長，3短（預計天氣熱，著短褲，萬一突然好凍都有長褲備用） 4 厚外套 x 1 5 薄外套 x 2 6 薄被仔 x 1 7 長衫長褲睡衣 x 1 8 襪 x 6 9 出街鞋 x 1 （著住去） 10 潛水鞋 x 1（著普通拖鞋成日除，呢款唔會咁易甩，係酒店房好0岩用！） 11 紗巾 x 8 12 沖涼大毛巾 13 睡袋 BB清潔用品 1 尿片 x 25 (每日6條計) 2 濕紙巾 x 1大3小包 3 凡士林 + 棉花棒 4 換片墊 5 抹口濕紙巾 x 6 其他清潔用品 1 洗奶瓶液 2 洗奶瓶刷 + 清潔布 3 沖涼毛巾仔 4 BB洗頭水 + 沐浴露 5 BB Lotion 6 沖涼玩具 7 沖涼膠地墊 食物類 1 餅仔零食 2 奶粉 & 奶粉羹 3 奶樽 x 3 4 包裝BB粥 x 2 (備用) 5 包裝水果蓉 x 4 6 米 (3日中午飯份量) 7 香港水 ～ 10L 8 燘壺 x 1 9 暖水壺 10 BB水壺 11 食具: 吸枱碗 x 2、包囡餐具 x 2 套、大人餵餐具 x 2（早餐用酒店餐具，帶2套ok）、口水肩 x 4（早午晚+1個spare）、剪刀 x 2 12 密實袋 13 保鮮袋 14 熱水煲 其他衛生用品 1 指甲鉗 2 淨化空氣襟章 x 2 3 BB藥 4 BB口罩 5 急救包 6 泡泡搓手清潔液 7 滴露 (抹酒店廁板，浴缸用) 8 衣架 x 2 + 衣夾幾隻 戶外用品 1 BB車 2 BB揹帶 3 BB座椅帶 4 玩具（今次要帶多幾樣，等佢冇咁快玩膩） 1歲5個月大嘅包囡，平日飲食習慣 早餐：120ml奶，再食牛奶麥皮+水果 午餐：軟身飯仔一碗（大人碗2/3），餸菜通常都有菜有魚有肉（包囡好鍾意食魚！） 茶點：飲湯+食湯渣，有時食包包+水果 晚餐：軟身飯仔一碗（大人碗2/3）+ 水果 瞓覺前：180ml 奶 包囡旅行餐： 早餐：120ml奶 + 酒店早餐 午餐：每朝係酒店煮飯放入燘壺帶出街食（所以落機後要去買飯煲+買餸） 茶點：買包包食 / 食餅餅 + 水果 / 水果蓉 晚餐：同大人一齊食日本料理，每日放肆一餐～ 瞓覺前：180ml 奶 奈良鹿仔，我地黎啦~
