今日依舊好晏起身，諗住上去35樓餐廳試下上面個早餐，見到好多人，而且早餐時間只係去到10:00am (當時已經係9:50am)...我地都係去番3樓Executive Lounge食啦! 個邊坐得鬆動啲，而且時間應該free啲... 尋日去天王寺，只係去左Q's Mall，包生話唔憤氣，要去多次~ 所以我地今日都係去天王寺~ 先去Abeno Harukas上面觀景台參觀下 個空中花園種左好多花~好靚靚呀! 另外，仲有個高啲嘅觀景台，不過就要收入場費。 我地冇再上去啦~ 睇完景，又係行街街時間~ 落左商場睇童裝，每逢到小朋友樓層，就會搵到小朋友放電位，父母可更專心買野! 好鍾意呢間玩具店，入面有好多得意玩具~ 商場入面有間幫小朋友剪頭髮嘅Salon! 張張櫈都係跑車造型，好cute! 另一邊有間鐵道迷專門店，有好多火車同配件買。 火車迷畀$就可以召喚你心愛嘅鐵道出黎，畀你睇下、摸下 (如圖)： 睇完玩具，我地就上去食燒肉午餐 點擊圖片放大 +4 燒肉店都有BB櫈，太好啦! 呢到張枱夠大，唔怕包囡摸到爐邊。 今次包囡真係完全唔0岩食，開左包粥仔畀佢，都溝左少少(沖水)和牛畀佢試試~ 食飽飽，去左MIO繼續逛。 包生係Montbell搵到正野：行山背囊! (22,464yen連稅) 揹背脊其實舒服過用揹帶揹係前面，包生話揹背囊仲可以去到廁所添! 個背囊仲送個頸枕，BB瞓起上黎都舒服啲! 最正嘅係...包囡瞓左係入面，除低個背囊係地下，包囡仲可以繼續瞓! 幾好~ 逛完又去搵野食，晏晝食左好野，今次就求其去左間居酒屋食dinner。 點擊圖片放大 +2 食飽飽就番去啦~
