由於真係太攰，包囡都同我地一齊大昏迷。 好彩仲趕得切10:30am前去Executive Lounge食早餐。 坐低冇耐，職員帶左套BB餐具同BB櫈黎~ 巧靚靚呀!!! 呢張櫈真係唔錯，包囡成日坐唔定，坐係呢張櫈到又「擒」唔到出黎! 而且清潔好方便，用毛巾抹下就得啦! 真係幾好!! 可惜屋企已經買左有Cushion個隻 high chair.... 太可惜啦!! 呢到野食好豐富~ 有好多水果、cold cut... 當然仲有熟食、包，仲有粥添! 太好啦~ 啱哂包囡!!! 點擊圖片放大 食完早餐，同包囡係房玩下hea下，已經12:00.......哈! 放假應該係冇壓力! 執好野，終於出發，今日我地去天王寺~ 第一站，Q's Mall ; 最後一站，都係Q's Mall... (因為我地冇出過呢個商場) 我地主要想睇小朋友野，而呢個商場就完全fit哂要求!! 有好多唔同牌子嘅童裝店，其中有一間 Ito Yokado真係好邪惡! 入左去，真係會買到唔捨得出番黎! 入面有各式各樣嘅童裝舖，仲有好多玩具、飾物、日用品、食品... 不過留意番: Cashier係分開家，記得逐間舖頭分開畀$! Ito Yokado底層仲有個Supermarket，可以買零食雜貨。 係呢間舖買完野之後，可以一次過係Supermarket側邊搞退稅。 呢到唔止大人開心，小朋友都樂而忘返~ 有個好大個area畀佢地放電，打側手翻都得! 我地係呢到收獲豐富~ 除左買左啲衫褲裙、頭飾、玩具、餅仔、另外仲買左個放沖涼玩具嘅網袋~ 兩邊條帶仲可以索埋，而家啲沖涼玩具乾爽哂~ 行到餓，去左食雞湯拉麵。 湯底好濃好好味，佢地建議食完個麵之後，再將碗飯放入啲湯到變泡飯食 (個餐本身已有一少碗飯)。我地再額外叫多碗白飯，同包囡一齊分。 行過apres les cours，成間舖都好Colourful，好有夏日feel，買左套姊妹裝畀朋友兩個囡囡~ 細個件係NB70碼(最細Size)，大個件係童裝90碼。 呢到除左童裝，亦有好多男女裝舖頭，畀啲爸爸媽媽逛~ 另外又有Bic Camera、Tokyu hands等等...真係有好多野睇... 夜晚過左隔離商場頂，食牛脷~ 點擊圖片放大 +2 包生仲好高興咁叫左杯Whisky~
