早機出發，6點左右到機場bag drop，辛苦包囡。不過佢keep住瞓，到離境個陣先醒。而家係機場排隊入lounge，好似買演唱會飛咁長龍，真係好誇張! 係lounge快快食個早餐，我地就準備上機。 機票係3月頭換，4月尾出發，飛嘅時間唔係旺季，所以我地來回都換到bulk head seat，可以放BB籃。包囡上機前飲飽奶，飛機未起飛佢就摟住我瞓著左。機程3小時5分鐘，佢瞓足3小時! 勁!! 真係飛機臨降落，係海上飄飄下嘅時候佢先起身。包生同我可以好順利咁係機上睇哂全套戲，真係好難得。隔離可能估我地係咪drug左個囡!!! 落左機，係行李帶隔離見到... 架BB車仲早過啲行李，孤伶伶咁瞓左係地!! 都好嘅，一早出左黎唔使我心掛掛。 拎齊野，我地搭機場巴士去梅田，車程要1個鐘多少少。今次住係Hilton，酒店係梅田站附近，不過機場巴士得好少班次會停Hilton，所以我地係大阪Herbis站落車，再行過對面，都係幾分鐘路，好方便。 包生book 左 King Deluxe，之後upgrade 左去King Executive，我地住係頂層34樓(35樓係餐廳)，個view好開揚。 房size同setting都同新宿間Hilton差唔多。 點擊圖片放大 +2 我地兩大一B，啲毛巾預備左3 set，好體貼!! (有啲酒店真係唔會預多!) 仲有Welcoming dessert ，room service送上黎 Check in個陣，職員介紹而家時間3:00pm，係Executive Lounge剛開始有下午茶供應，叫我地可以去3樓試試。太好啦! 有Tea食~ 點擊圖片放大 掛住食...完全冇同野食影相! 食物有三文治、蛋糕、曲奇餅、Macaron，另外有生果同野飲...都係啲普通茶點。 休息完，我地就出發行街街。 我地係梅田阪急三番街行，呢到裝修過，我對上一次係2016年冬天黎，Kiddyland都仲係個到，不過其他舖頭，好似Donguri、Snoopy、鬆弛熊...都轉左位置。 係商場中間，整左個位置畀小朋友放電。投影會keep住轉，有個係足球場，有好多足球投射出黎畀啲小朋友追住踢。幾得意! 行到攰，就係附近搵餐廳醫肚 點擊圖片放大 啲飯濕濕地(仲好好味添)，包囡都可以一齊食~ 食飽飽就番去休息啦!
