新年就到，係時侯幫頭髮轉轉色，換個新形象驚艷下班親朋戚友 呢期唔少人都介紹韓國兩款大熱染髮霜 Pudding Hair Colour 同 魔鬼染髮焗油 金姐就兩隻都冇試過喇，不過今次就要為大家介紹另一正斗本地薑染髮霜Henna Blossoms，勁上色又冇味，重點係品牌主張染髮霜夠健康，連大緊肚嘅女士都用得架！ Henna Blossoms嘅染髮霜有唔少顏色選擇，不過就偏向鮮色系，如果想玩Ash Tone的話，大家可能要自己溝色喇！ 金姐當然親自試過好先介紹畀大家，早幾個月我就試過09 Lime加10 Aqua同21 Bubblegum，因為本身染完甩色再上Henna Blossoms，所以顏色上有少少偏差，但拼埋一齊好有彩虹糖既感覺，放頭髮又好，紮辮都勁靚。 而今次金姐就變身成染髮師，幫朋友大變身，用既係05 Ruby 加00 Ash 要準備嘅野好簡單大量錫紙、染髮兜同梳、染髮霜 開工！！！ 點擊圖片放大 +2 如果只係上一隻色，其實可以唔用錫紙，上完色用保鮮紙包住就可以，但因為朋友要上兩隻，而且「卡拉卡拉」咁上，所以用錫紙逐執分隔會方便好多，第三張圖見到上左陣色，啲色已經出緊黎。 點擊圖片放大 上晒色包晒錫紙之後，最好就用直髮夾以低溫約110度左右燙一燙每執頭髮，咁樣可以令顏色上得更好。然後等45分鐘，再用清水流洗走就搞掂喇！記住係清水！清水！清水！清水！清水！（講3次都唔夠） 登登登登！係咪好靚呢？！影相睇就好似鮮紅色，但實物係帶少少粉紅，少女味重少少。少女們可以試下！ 大家如果想試，可以去Henna Blossoms嘅官網了解下！支持下本地牌薑！ website: https://www.hennablossoms.com/ facebook: Henna Blossoms —————————————————————————- 多謝睇到最尾 金姐仲有更多生活文章喺下面平台，click入去畀個like支持下呀:) FACEBOOK – Borntoplayhard INSTAGRAM – borntoplayhard/ i.m.kimmy ELLE Blog — kimjei SHE Blog— aroundme Beauty Exchange Blog— kimjei
