咯咯雞韓食店 (尖沙咀)早幾且去開尖沙咀突然想食韓國嘢，於是搵下除左韓國街，仲有邊度有得食，見到有一間新開嘅💛韓國餐廳，一於去試吓啦當日我都好早食18:15左右入座，入面已有幾枱客人，坐低見到餐牌寫住試業，原來仲係試業階段，真係好新喎，食到中段都見到好多客人，甚至要等位，所以想試吓嘅，早啲去食喇！炸雞 - 蜜糖芥末味 (半份$109 / 全份 $178) (8/10)嚟到韓國餐廳當然要食炸雞啦，因為得2個大人食，又想試其他嘢，我哋就叫咗半份，雞肉好嫩滑，而且啖啖肉，半份都唔少都有10-12件(唔太記得，掛住食無真正數過😝)蜜糖芥末醬好足料，每一件都沾滿左醬，不過食到最尾一兩件有少少漏，可能我哋太飽了🤣 韓式拌飯 (可選豬/牛/雞)$69 (8/10)店員好細心，我本來係叫紫菜包飯，但佢知道我係點俾小朋友食，佢建議我呢一款拌飯，再將泡菜另上，好細心，就算唔加辣醬俾小朋友，個飯本身都好夠味道，我點了雞拌飯，件雞都好大件而且嫩滑，中間隻蛋做到流心，配菜都好夠味道 泡菜炒年糕 $58 (7.8/10)呢一個泡菜年糕，唔算辣係屬於甜辣的一種，炒得好濕潤，每一條都有辣醬，而且年糕口感適中，唔會過硬或過淋，不過我覺得可以辣多少少 吉列魷魚圈 $58(8.5/10)每一件都好肥嘟嘟，而且唔會好細件，炸得非常香脆鬆化，又唔會有油膩感，非常香口，我自己幾鍾意呢一款小食 黃到金(芒果雲朵沙冰)$48 （8/10)用芒果肉打成沙冰，面頭會有鮮忌廉，飲落好清爽，食炸雞雖然無得飲啤酒，配返杯沙冰都可以解下渴，不過我覺得甜咗少少，我又唔記得問有無得少甜，如果有得少甜，就更加完美 整體來講，係尖沙咀來講真係好扺食，相對韓國街真係抵食好多，而且服務態度好好，只係唯一美中不足，暫時未有啤酒飲，希望下次再嚟時可以點返杯啤酒配炸雞啦😝 推薦🌟🌟🌟🌟環境🌟🌟🌟🌟服務🌟🌟🌟🌟🌟回頭🌟🌟🌟🌟📍咯咯雞韓食店 (尖沙咀)尖沙咀亞士厘道20A號地舖按讚我的粉專：https://www.facebook.com/profile.php?id=100059481716857追蹤我的IG : https://www.instagram.com/bon.bon.kitchen/
