很多美容院都會賣皮秒，因為皮秒去斑效果顯著。但皮秒不是萬能，有些美容院會鼓吹用皮秒配上蜂巢頭可以去凹凸洞，我自己試過，做左10次都冇乜幫助，後來轉左去第二間美容院用Fractional CO2 laser先搞到個鼻, 由中四開始存在左十年既凹凸洞。我打皮秒，主要都係想去斑，凹凸洞都係想順便整埋。之前睇廣告$3888/10次 無效包退。上到去話我既皮膚用呢部機唔得，要轉機。由$3888/10次，變左$3800一次。然後想整埋凹凸洞，於是每次又再加$600用蜂巢頭。但係咁都唔夠，要我打之前做一個深層清潔，$1000一次aqua 唔知乜，打之後又要做保濕$800一次。結果我只係想做個皮秒，變成了$6200一次。然後買10送2，再除去零頭，變成$60000/12次。我簽了卡，希望一次過解決色斑同凹凸洞問題，整個人獲得新生。其間每次上去，都比佢hardsell我半個鐘，又話我眼袋大，又話我膠原唔夠。但我死忍，因為我真係冇乜錢，10次過後，凹凸洞冇乜改善，色斑都唔覺得有淺到。感覺上是白白浪費了6萬元。作為一個打工仔，要儲6萬元真的不容易。想起佢既無效包退，佢地間黑店同我講無效包退唔係講緊呢部機，有話已經有效果，d斑淺左兩度。最後兩次我都冇上去做，一來怕比佢sell, 二來每次都好難約時間，佢D時間根本比晒新客。之後上網查，先知道呢間黑店都幾出名。又過一年，我發覺我既斑好似又多左，始終想搞搞佢。今次我上網做足攻略，搵信譽良好既店做皮秒。呢間店聲稱試做價$688，係全面打足3round, 連埋保濕facial, 沒有其他附加費。在做之前有個免費皮膚分析，佢話我係荷爾蒙斑，就咁打皮秒打廿次都冇用，要連埋另一部機先搞到。我聽落伏伏地，點知佢加埋另一部機會貴幾多，於是想走，講明自己錢唔多。佢冇留我，仲話我想打都冇得打，因為另一部機佢地都未入，暫時幫唔到我住，要3個月後。又估唔到佢幾老實，我話你3個月後先有，我都去左第二度做啦。佢就好謙虛咁承認自己公司暫時規模仲係細，荷爾蒙斑暫時幫唔到我住，但有其他皮膚問題都可以搵佢地幫手解決。於是我指住我個鼻上十年既凹洞，個洞係由我中4唧暗瘡時留到而家，佢地話有得搞，唔洗好多次，於是我就試左佢個fractional co2 laser. 呢間野佢係我去既第一間，唔會hard sell我既美容院。 裝修幾靚，價錢又平，難怪網上咁多人讚好。我只係做左3次，已經見到鼻上面個凹洞明顯改善左，好過之前做12次皮秒加蜂巢頭。成個package 6 次都只係$4680，平過去黑店做1次皮秒。我完成個凹洞之後，穩陣起見，我都係等佢地入埋果部機，配合一齊打荷爾蒙斑。 冇P圖，鼻上的凹洞幾乎不覺眼了。
