尖沙咀好多酒樓或者食肆林立，放工行去尖沙咀金馬倫道只有10-15分鐘路程。有時候靜靜地搵間酒樓食中菜都係唔錯嘅選擇，今次介紹【新竹園軒】估唔到冇所驚喜。 地理位置優越兼食物的種類相當多元化，亦係即叫即整，中菜講求考功夫亦有特別菜式，仲有餐廳經理好用心請我地食熱辣辣嘅煎堆，滿有口感好煙靭。小食及茶介分別為$20及$18。點擊圖片放大 酸薑皮蛋$48前菜小食有酸薑皮蛋好開胃，份量何其多，皮蛋軟綿綿又有口感。 杏汁燉豬肺湯 $80好滋潤必定有佢—杏汁燉豬肺湯，杏汁又滑溜完全冬日之選。豬肺洗得好乾淨又有口感，原盅燉暖笠笠呢個價錢值得推薦。 菜膽雞燉翅 $168未必人人喜歡杏汁的味道，其實都有另一番選擇；燉出細味必定有菜膽雞燉翅 ，每條雞絲翅仲有金華火腿，的確相當名貴。 黑椒脆薯牛柳粒$128平時呢個菜式一定好受歡迎，因為外脆的薯仔粒與細嫩牛柳粒好夾，添上黑椒好惹味唔錯。 勝瓜蝦乾煮魚鰾 $280極為少見之物魚鰾，貌相好平凡但係非常美味；蝦乾大大粒連同勝瓜利用上湯煮下，魚鰾吸晒所有既精華。 楊枝甘露 $45呢度甜品估唔到又幾好食，楊枝甘露的西米大大粒又有口感，加上香甜嘅芒果及柚子，甜度恰到好處好吃。 椰汁馬豆糕 $30軟綿綿的馬豆糕豆味香濃，連同椰汁味道絕對健康既首選。 新竹園軒尖沙咀漆咸道南79號中國五礦大廈3樓********************************************************************聯絡及合作: yan87926@hotmail.comFB: https://www.facebook.com/hkfoodiebobo/IG: https://www.instagram.com/hkfoodie_bobo/Blogspot: https://foodiesbobo.blogspot.hk/Ublog: https://blog.ulifestyle.com.hk/blogger/bobochow926/
