仲有唔夠半個月就可以衝出香港返家鄉啦，估不到一等就等足三年。相信有好多香港人都同我一樣急不及待要飛啦！今次介紹位於尖沙咀或銅鑼灣都有分店的【Jan Jan串揚專門店】。 未去得日本食串燒飲啤酒，深信呢度是你最佳既選擇；無論燈光、環境、音樂上都相信貼近日本。鄰近尖東或紅磡附近，地理位置優越，相當方便。今次介紹係日本A5和牛宮崎祭，有六款和牛款式的選擇全套為 $648 仲會送清酒一瓶🍶。今次決定都係散叫試吓，六款真係食唔到太多，仲有其他串燒美食。 和牛香芒牛油果迷你芭菲 $98一上桌相當吸晴的迷你芭菲，層次相當分明，芒果底層牛油果蓉、頂層有煎香過的和牛粒，多重享受而且口感不俗。 月見和牛玫瑰 $128呈花形的和牛玫瑰，旁邊有蘿蔔蓉及蒜蓉等，以切片形式煎香過配上兩款配料，富有嚼勁。 蒜片洋蔥宮崎和牛粒 $138利用蒜片炒至香口的感覺，真的不得不介紹宮崎和牛粒，完全是佐酒不二之選。 另外更單點了幾款串燒包括有雞肉紫蘇卷、特選A5 宮崎和牛西冷串、燒白鱔、羊架、燒牛舌、燒雞胸軟骨等。 其中個人比較喜歡雞肉紫蘇卷外層炸脆口感連同特製日本醬汁，相當惹味。其次是燒雞胸軟骨，軟骨的口感配合酒精飲品不俗。 A5 宮崎和牛西冷串、燒白鱔、羊架、燒牛舌火喉恰到好處，特別和牛西冷及牛舌富有嚼勁，相當喜歡。 0 瀏覽Jan Jan 串揚專門店 (尊豪坊)尖沙咀赫德道25號尊豪坊1樓********************************************************************聯絡及合作: yan87926@hotmail.comFB: https://www.facebook.com/hkfoodiebobo/IG: https://www.instagram.com/hkfoodie_bobo/Blogspot: https://foodiesbobo.blogspot.hk/Ublog: https://blog.ulifestyle.com.hk/blogger/bobochow926/
