上回講到藍玲去做一個叫做 "T28全效激活膠原自生療程" 嘅treatment，但係因為電話冇電嘅關係，所以上半場清道夫日記冇post到任何相(因為根本冇相)，但係藍玲今次第2次再去，今次梗係醒啦..... 首先美容師先替藍玲進行基本清潔程序，然後好戲開始了。 先看看藍玲素顏嘅驚嚇樣子....血壓低、心臟病患者同埋孕婦就唔好睇嘞.....認真嚇鬼！！ 我地一齊黎解構下藍玲究竟有咩肌膚問題先... 第一︰嚴重淚溝(嚴重程度應該只有Sculptra先救到我) 第二︰由於成日都有化妝嘅關係，所以黑頭粉刺頗為嚴重，特別係T字位同下巴 第三︰年紀開始越黎越大，so腮位常常會有鬆弛現象 第四︰自恃天生麗質唔搽防曬，攪到有輕微點點雀斑，仲有一撻直徑有成7mm嘅嘔心荷爾蒙斑添呀 美容師替藍玲清潔面部後以較溫和的甘醇酸塗上面，靜待2-3分鐘。 利用甘蔗提煉而成的甘醇酸，可以有效溶解老化角質層，收縮毛孔。中心的顧問姐姐還特別告訴藍玲說這療程可以同時促進新陳代謝，加速皮膚健康更新週期；而且可以豐厚活性表皮層。提升保濕鎖水力，令肌膚回復水油平衡的健康狀態。 之後就要加番中和液，如果唔係啲皮膚會burn架.. 再用儀器每秒震動30,000萬次清走藍玲面上嘅污糟嘢同老化咗嘅角質層，你地睇下，啲水都變咗奶白色嘞...因為美容師以水浸洗充滿藍玲角質層嘅儀器頭，啲角質層沖晒落水度，所以啲水變咗奶白色 睇下藍玲做完呢part之後嘅分別幾大︰ 下巴粉刺雖然仲有，但係明顯已經清咗好多 嘞嘞嘞.....我撻荷爾蒙斑就係喺呢邊面架嘞，不過上次做完1次之後已經淡咗好多，呢張相影唔明顯，而明顯改善咗嘅又係啲黑頭粉刺....我呢兩個黑星實在太可惡嘞...少咗之後毛孔係細咗，同埋皮膚都光滑咗嘅。 呢張相啲燈光有啲唔同，但冇計啦...藍玲不是專業攝影師嘛...大家唯有多多包涵..... 不過，都清楚睇到膚色係真係均勻咗，同埋一望落去係睇得出嘅乾淨囉！！ 今次分享住咁多先，因為藍玲join咗full course，所以會keep住同大家分享個進度，jm們緊記多多留意嘞..... 而上次分享第一次療程結果請看以下連結:- https://blog.ulifestyle.com.hk/blogger/blueling/2013/02/%E5%85%A8%E6%95%88%E6%BF%80%E6%B4%BB%E8%86%A0%E5%8E%9F%E8%87%AA%E7%94%9F%E7%99%82%E7%A8%8B-%E5%98%A9%E4%B8%80%E8%81%B2%E7%9A%84%E7%A5%9E%E5%A5%87%E9%AB%94%E9%A9%97/ 最後，再話俾大家一個好消息，凡登入下面條link登記，就可以獲得一次藍玲上面講嘅treatment免費體驗架嘞，嗱嗱淋啦...送完即止架！！ http://medi-antiaging.com.hk/T28/T28PowerCollagen.html Seeya......
