Fans Club 最大嘅職責就係喺非官方途徑增加偶像曝光率,主要都係透過生產周邊同埋印刷各類資訊同宣傳,亦需要經常接觸工廠、印刷商同,以下教你幾招追星必學要點,等你都可以為 Fans Club付出,成為不可或缺嘅重要成員!1.主動接觸小食、飲品店提出合作而家好多消息、飲品店都會同唔同 Fans Club 聯動,活動期間會喺食物飲品包裝上貼上明星貼紙或生日祝福,吸引更多客人。呢一啲活動成本較低,店家一般唔會收 Fans Club 任何收費,只需要應援物資由 Fans Club 提供就可以喇!對店家嚟講,呢個做法絕對係互惠關係,買飲品嘅 Fans 喺社交平台打卡時可以提高商店知名度,好彩嘅話有時甚至會得到明星本人轉發或者親身幫襯,直頭係免費嘅明星宣傳!2.海報設計切勿馬虎心愛嘅偶像生日、出新歌新碟當然要落力宣傳!Fans Club 做得最多嘅宣傳一定係印海報,低成本之餘亦可以清晰帶出主要信息,但海報設計方面都有好多嘢要留意。首先係選用嘅偶像相片要係由 fans 拍攝,千祈唔好用偶像代言嘅美照,以免影響到偶像代言品牌嘅版權。另外要留意嘅係字體同設計,記得唔好用過於簡單嘅 effect 做美術同拼貼,如果唔係可能會令海報年代感增強,同偶像本身形象有出入。最好係可以邀請 Fans Club 入面從事設計嘅 member,確保海報出嚟係靚靚仔仔、有美感嘅成品。3.同餐廳/Cafe 合作搞主題餐廳 餐廳/Cafe 比起小食店、飲品店規模更大,需要嘅成本當然都會更大,如果搞得唔好反而會令餐廳同偶像都被差評,所以建議有足夠人脈、資源同經驗嘅 Fans Club 先好去做呢個嘗試。其中一個搞得好睇嘅主題 Cafe 就係 Trois Cafe 搞嘅林家謙 doo 遊 Cafe,活動嘅裝飾細緻,連牆身貼紙都配合埋當時新歌《doodoodoo》嘅氣氛,Trois Cafe 仲有設計特別 Menu 㖭!除咗大量歌迷之外,活動更吸引到家謙本人現身支持!呢種活動涉及金額比較大,會唔會牽涉到利潤分成等等嘅問題就需要由個別 Fans Club 同餐廳去磋商喇。