事沿今年中黑豚爸的好友患癌, 西醫束手無策... 大家四處尋找秘方. 我就開始閱讀一本我睇過但冇心機細心研究的猛書 - Dr. Andrew Weil 的自癒力. 其實, 真係好人好姐你係唔會咁有心機睇. 而我情緒唔穩定時, 我都冇心機睇. 所謂自癒力係指, 人體自己會痊癒既力量. 每個人都有, 亦都係神原本做人都已經做咗. 可惜係, 當時代演變, 呢樣竟然係新鮮事... 因為現今大家吸收既營養喺食物種類方面不夠全面. 一唸到營養就只唸起奶粉... 補充劑... 一生病就立即要睇醫生, 因為公司只接受有醫生假紙嚟請病假... 而醫生亦只顧比藥或用數據嚟定醫療策略... 無人會唸到靠自己既痊癒系統. 除咗感冒時你係唸住Out out下會好... 而最好既治病方法永遠都係預防. 當然, 鬼唔知早睡早起, 做運動, 飲食均衡, 心境開朗就健康. 但問題係. 做運動, 我都知做啲咩. 但飲食均衡, 其實即係點? 食物金字塔! 我問朋友個個都係咁答, 食少啲肉囉, 食多啲菜囉, 飲奶補釫囉, 食多種維他命囉, 總之有營養既都要食! 但係咩叫有營養呢? 即要係食幾多呢? 食多咗會唔會出事? 我自問答得出既答案, 可能都係停留喺我小學既常識既程度... 黑豚爸既好友, 終於在壯年中去世... 我唸. 如果可以注意到本身營養 > 增強免疫系統 > 防病 > 防埋癌症. 佢就可以留喺世上多一啲時間. (雖然神的計劃不是我能說東說西) 但係, 咁重要既知識我都一知半解實在有啲... 所以, 我師拉仔, 中五畢業, 冇大學學位, 二十年冇進修, 好驚同忙都傻既情況下, 都報咗營養學!(入門級?) 亦希望用我自己呢啲草根既智慧, 將高深既學問簡單化... 自己為自己加油!
