當你有日你發現, 你一星期前買咗一袋仔薯仔, 又唔記得咗佢哋既存在, 跟住, 佢哋就... 眾所周知話發芽薯仔唔食得, 但亦有人話未變綠色都可以食. 我真係煮咗帶有小芽既幾隻嚟食, 食落去條脷有少少麻, 好似食麻辣米線小辣咁既感覺... 不過咁落去都唔係路喎, 把心一橫, 不如試下種咗佢哋? 公屋種薯準備: 1.發芽薯仔 (我種咗6隻...都係好細隻既size...) 2.順豐速遞包裝尼龍袋一個 (上網睇種薯要一路向上加泥, 所以, 一開頭我將袋卷起, 打算佢哋一路長, 我一路向上伸展 3.餅乾包裝入面既膠兜 (用嚟升個袋, 唔使貼地, 方便打掃) 3.泥(最重本係泥, 因為喺屋企種, 唔想咁多鼠蟻, 買盆栽用既化學泥, 成本好高... 肉痛... ) 4.沙(因為網上睇薯仔要鬆既土壤先會結球根, 所以要在泥裡加沙. 沙我係12蚊店買... ) 5.自己求其既枯葉堆肥 種植要點 : 要放喺明亮處, 要保持泥士濕潤 25/11/2016 正式種落泥. 咁啱有親戚送咗雞蛋嚟, 比送谷糠, 所我又混啲喺泥 (旁邊兩隻蕃薯係放住先) 9/12/2016 芽漸長啦, 第一次加泥, 感覺好興奮 12/12/2016 幣啦, 有啲咁長, 有啲咁短, 咁點加泥!?? (話比阿媽聽種緊薯仔, 阿媽話薯仔幾蚊就有袋, 種嚟都嘥氣... 被潑冷水...) 17/12/2016 長短懸殊越來越利害... 唯有等短果啲長長先一次加過泥啦... 待續...
