平時夜晚7點幾先放工，早排餐廳因疫情收早，所以都推遲了幾個飯局。今次同朋友約埋放工去食韓燒，就揀咗個選擇較多的旺角。呢間位於兆萬的韓燒店，上網見到好多人好評，所以同朋友決定試試。 晚餐價錢分平日同周末的，無分時間。晚餐有三個價位，大家亦可以參考門口的餐牌，睇下大家想食邊個價位的食物。 我今次揀了中間個個世子御膳，如果食呢個餐，就可以任揀大君同世子餐牌上的任何餐物。 安排坐位後，職員幫手拎了前菜、生菜，同埋倒爐邊蛋。大家只要將餐牌上食物的編號寫係過膠的落單卡上。 係世子餐牌中的豆腐炒泡菜，將泡菜放係凍豆腐上，再灑上芝麻同葱花，食落好惹味。我們仲Encore了添。 由於我對蝦有少少敏感，所以我去餐廳或者去韓國旅行，都好少食大大碟的醬油蝦。今次係餐廳可以逐隻叫，可以點到即止，最啱我又要食又要怕的心情。麻油的香味幾重，而且蝦肉好彈牙，又唔會有腥的味道，真係唔錯。 香港人最鍾意就係食海鮮，除了有半殼石蠔，仲有一口帶子。如果唔夠喉，餐牌仲有魷魚、鯖魚柳、半殼青口，同埋油蛤。 食肉獸的我，又點可以唔叫肉肉！淨係牛肉都有好多部位可以揀：牛肉眼、前胸腹肉、T-bone、LA牛排、牛肋骨肉、牛腸，仲有啲調過味的牛。 係咁多種的部位，我最鍾意食牛舌，佢除了夠大大塊，食落仲幾爽口。我呢個仲encore了幾次。 然後⋯我點了我親愛的餐肉BB！有無人同我一樣鍾意食午餐肉？我本人無論係早餐午餐定晚餐，都好鍾意食午餐肉 (笑) 除了雞牛豬，仲有必叫的串燒！好似雞軟骨、雞腎、鴨胸等。由於佢地用竹籤吉好，所以放係微曲的的爐上要小心燒，再唔係可以好似我咁分開一粒粒燒。 如果大家同我一樣係澱粉控，總要食點飽肚野，可以叫呢份海鮮葱餅。煎餅口感外脆內軟，而且唔算好大塊，用黎少少地墊下肚剛剛好。 餐廳野食唔錯，而且唔會好似其他的放題店咁出現消失的訂單。加上職員會主動幫忙換鐵板，超級貼心！我會推介比朋友們 平昌 | 旺角西洋菜街1號兆萬中心13樓==============================我係一個愛寫字愛分享的吃貨！如果鍾意我分享的，我邀請您訂閲我的食評，我會繼續與大家繼續發掘有咩CP高的冰糧！(敬禮)
