呢一年都去了九龍灣返工，除了公司附近的餐廳，我開始食個「深度遊」，去發掘下呢區的餐廳。今次去了淘大的一間人氣餐廳 (其實都係朋友介紹)，佢主打日式釜飯。 釜飯其實係日本的煲仔飯，直接係個鍋仔由生米煮成熟飯。今次去的餐廳除了有朋友介紹，仲係觀塘區開飯熱店！ 去到釜飯專門店，當然叫佢餐廳招牌的燒鰻魚釜飯啦！係Menu中的有6款不同的鰻魚釜飯，除了分金、銀鰻魚，仲分唔同的部位：魚腩位置就會較肥美、而魚尾位置就會燒得較香口。我呢個「食魚唔𦧲骨」，當然要叫份超特大肉厚的就叫了最厚肉的贅沢金魂蒲燒鰻魚釜飯啦 ($138)！！ 等了10-15分鐘到，新鮮熱辣辣的鰻魚釜飯就到我的面前！唔好講笑，佢真係好香 (最衰個Mon唔會send到D味比您聞)。 我其實都係第一次食釜飯，見到枱面的貼紙教我點自己控制飯的軟硬度。日本人的食之藝術，真係好利害！ 餐廳用了上等的鰻魚，D肉比一般餐廳食到的鰻魚更香更滑！就連飯都係粒粒分明，而且配埋特製的鰻魚汁，食落真係有幸福的感覺！！如果大家同我一樣都係好鍾意用甜甜的鰻魚汁撈飯，大家可以問職員再係上面再加 (笑)！ 除了個釜飯，大家仲可以加$18加前菜、麵豉湯及飲品。個麵豉湯好意外，入面勁多料！另外飲品除了平時的咖啡、奶茶、檸茶檸水，仲有柚子蜜同蘋果蜜可以揀。 朋友仔話好耐無食烏冬，所以就叫了個龍蝦湯稻庭烏冬($78)。靚烏冬果然同超市的叮叮噹噹的烏冬真係無得比，入口彈牙，而且仲有4隻有殼的蝦。 個龍蝦湯比想像中濃，加上個烏冬用小鐵鍋裝住，個麵食到尾都係暖暖的，讚讚！ 朋友仔已經叫咗麵，所以無再叫加$18轉做套餐，反而叫咗一份吉烈牛舌 ($18) 炸得金黃的牛舌，牛舌都幾厚身，不過油香再豐富D就會更好！ 釜之魂釜飯專門店 | 九龍灣牛頭角道77號淘大商場三期地下G286-288號舖| 品牌合作 | 出席活動 | 產品試用 | Email : bingfooddelivery@gmail.com
