一直都好想去食Omakase(廚師發辦)，由廚師用當季的食材及你的喜好去為你準備食物，一邊整一邊食。今日去到佐敦的鱻88享用我的First Omakase⋯ Omakase的餐牌分為2個價格，$888及$1,288，價格比同Grade的餐廳及食材都抵3成到，所以超級抵食！ 前菜有3小碟⋯ 右邊係餐廳自家製的胡麻豆腐，絶對唔係一般的百X豆腐，而係較Creamy及重豆味，加上香濃的麻醬，味道係唔同D。中間係鰻魚蛋糕，將魚蓉加入蛋糕內，口感鬆軟帶微微的鰻魚味，非常特別。左邊係我前菜的Best Pick為鮟鱇魚肝。本身以為會好腥，點知味道唔腥之餘，仲入口即溶，加埋新鮮的葱花，整體非常好。 到我好期待的刺身了就先來的係羽太薄切⋯⋯ 呢4切完完全全可以體驗師傅的刀功，魚肉薄到半透明狀，真係好厲害！魚肉口感脆口彈牙，點埋用柚子的酸汁，令到魚的鮮味更出。 深海池魚共第兩塊，刺身鮮甜。師傅特意於第二塊的池魚上加上一點柚子wasabi，食落比第一塊清香，各有好食的地方。 油漬吞拿魚加入準備了2小時的蛋汁，食的時候師傅建議先將所有材料匀於一起。加葱絲及蛋的呑拿魚變得香滑，味道加上香葱絲，味道更香口。 第一次食拖羅，係成塊扒咁食！用了紫菜、及紫蘇葉包住有脂肪紋的拖羅扒，就可以減輕呑拿魚的油膩感。 食日本蠔一般大家都會揀廣島蠔！除了體形比較大外，蠔肉更厚。師傅用了北海道的廣島蠔燒，加入沙律醬及雜菜，令蠔更滋味！蠔肉燒得剛剛好，口感保持到Juicy同Creamy ，加入牛油更令整體更香口。 櫻花蝦雜菜餅炸得金黃乾身，唔會好油膩。櫻花的鮮味加埋新鮮的蔬菜，整體口感都好Fresh。 準備食手握壽司了，師傅將薑、沙葛、沖繩著名的苦瓜放於碟的旁邊，讓我們清清味蕾。另外一提的係餐廳用上北海道七星米黎製作壽司，所以絕對不是交行貨。 打響頭炮的係活蝦壽司，利用青海老，飯已加入鼓油及wasabi。蝦肉非常彈牙新鮮，師傅於蝦刺身上再吱上少許青檸，令蝦的味道更鮮。 左口魚係我最鍾意的魚之一，今次師傅準備的左口魚壽司上有裙邊。口感彈牙爽口，加上師傅加上微微的酸汁及芽蔥，味道甘香。 今次食左個意想不到的食物⋯⋯平時唔多食內臟的我，見到呢粒個樣似腦的東東就嚇左嚇⋯⋯不過心諗人一世物一世，去到呢D地方一定要試試。來自鱈魚的白子，口感好滑，但出奇地唔會腥，係一個好好的嘗試。 好嘢唔好俾佢停，帶子刺身味道較鮮，相反燒帶子就會帶香。今次師傅準備的燒帶子可入少少辣，令到味道更香口。 點擊圖片放大 金巴池魚入口滑溜口感結實，而且鮮味非常。師傅更貼心地將魚界上小格，令豉油可以容易附上。 口感較爽口的金目鯛的味道較平實，師傅被輕輕火炙刺身面，令到整體更香。 食完大量的刺身及壽司後，我的肚都已經有飽的感覺了⋯ 食完一大輪生冷野，再飲碗熱騰騰的魚湯簡直係一大樂事。魚湯煲到奶白色，加入魚肉、蔬菜及超級嫩滑的豆腐，味道非常鮮甜！ 海膽一向得到香港人的垂青，北海道馬糞海膽更係表表姐！聽了咁多次其大名，我都係今次先真正品嚐到。相比我之前食過的海膽，呢款明顯更鮮甜，而且完全唔腥！加上師傅毫不猶豫地落左好多海膽，食入口味覺就好似上左天堂！ 左口魚就食得多，右口魚真係第一次試。師傅簡單講述左、右口魚的分別。原來左口魚的口感會較爽，相反右口魚的油香則比較重油香。 焗蛋唔似平時的嫩滑感，相對有咬口，味道似蛋糕。 之後師傅驚我們唔驚飽，所以再整左一份呑蓉魚蓉手卷。師傅用人手將新鮮呑拿魚切成蓉，並唔係好似其他餐廳將無咁靚的呑拿魚。用脆口的紫菜及日本薑片包住少量調味的飯，味道香口而不油膩。 最後大家可以揀熱花茶或雪糕做呢餐飯的終結。今次同男朋友都揀左豆腐雪糕，加入了餐廳自家炒的黑糖，點綴了清清地的豆腐雪糕。 呢間餐廳係10月尾先開，除了泊車有少少唔方便外，食物及環境都非常優質。我諗最吸引我的都係個CP值，$888一個高質廚師發板，絶對係超值！推介比每一位！ 餐廳資料 鱻88日本料理 佐敦佐敦道39-39A號根德大廈地下及1樓 港鐵佐敦站 A 出口, 步行約6分鐘 ===================================== | 品牌合作 | 出席活動 | 產品試用 | Email : bingfooddelivery@gmail.com
