由細到大我塊面總會因為毛孔阻塞而造成的油脂粒，不好好處理就會變成好難攪的石頭瘡。雖然搽B3精華已經減輕了情況，不過鼻位都仲係幾污穢好多暗粒仔。為免情況係夏天呢D充滿油脂的季節，爆到成面都係暗瘡及暗粒，我決定去擁有多年去暗瘡暗粒及去印療程的Divana Spa做個C Skin 逆轉暗瘡肌療程。 一入到美容院已經聞到令人好放鬆的泰式香薰，加上海浪聲的輕音樂，令剛剛放工的我由外到內都可以休息下。 職員先分析我的皮膚狀況，得知我的暗粒較多、鼻的位置的皮膚比較乾燥。由於我有化了淡妝，美容師好細心咁幫我洗左兩次面，但求皮膚乾淨先開始療程。 今次的Facial就會用呢部Bubble Peeling機，利用吸的原理，配合鹽水將毛孔的黑頭、多餘的油脂一次過吸出黎。 本身以為部機會有拉扯的痛感，不過整個過程非常舒服，完全無痛的感覺。 吸完皮膚後，美容師再用納米針技術去幫我清封閉毛孔內的污穢油脂，咁皮膚就內外都清乾淨晒啦。 針清完畢後，敷上含有消炎成份的紗布，好似薄荷的涼涼感覺。敷左一陣後，美容師配合高頻率儀器加強消炎殺菌的功能，促進小小傷口的癒合。高頻率儀的感覺好似有少少吉吉地的電流咁，感覺都可以的。 消炎後，職員幫我搽上Phyto-C醫學級護膚品，並配合獨家暗瘡精華，為皮膚即時灌注大量的營養。 當搽齊精華後，美容師就用-5’C SKIN COOL用凍頭將精華導入到真皮層，激活肌膚。我好鍾意呢個凍頭的導入步驟，除左有消炎的效果外，更可以收細毛孔，呢D都係我想要的效果。加上美容師於我皮膚比較乾的位置碌多幾下，令到補濕效果加倍。 係療程的終結，當然係敷返個面膜休息下啦。呢個面膜具補濕及消炎修護的功效，面膜都好貼面，我咁大塊包面都可以包得曬，正呀！ 睇到呢到，相信大家同我一樣好想知做Facial的療程前後差幾遠呢？左邊個張係我放工時係office影的，除左有暗粒、毛孔粗大，仲有大量的黑頭tim。右邊的圖就係做完C Skin 逆轉暗瘡肌療程後，皮膚明顯細緻及乾淨左好多，效果都幾明顯。如果你的膚質都係暗瘡、暗粒、毛孔容易阻塞，可以考慮下做呢個Facial，去清一清表層及底層的多餘油脂，從暗瘡暗粒的根源去阻止大爆發的發生。 走的時候，見到牆上貼上慈善的照片。原來美容院扣除所有開支，所有利潤都會用於慈善上，幫助第三世界的小朋友接觸教育，令佢地有改變生活的機會。大家做Facial的同時，都有機會去幫到人，真係好有意義呀！ Divana Spa 尖沙咀金馬倫道12號恆信商業大廈2/F 預約熱線：(852) 6228 8144 ===================================== 產品由Divana Spa提供，但以上分享全屬個人感受。 | 品牌合作 | 出席活動 | 產品試用 | Email : bingfooddelivery@gmail.com
