本身我對動物園呢類地方冇咩特別喜好, 但因為一張草泥馬的宣傳照, 搞到”神戶動物王國” 成為我VISIT LIST之一, 今次終於有機會去啦。 入場後攞左個動物表演的TIMETABLE, 見到10:30係有草泥馬WALKING SHOW, 我二話不說去個度等, 原來草泥馬早已STANDBY, 佢係一隻深啡色, 叫ARASHI的一歲男仔草泥馬, 佢實在係太得意啦。 點擊圖片放大 睇完後就正式行下呢個動物王國。整個動物王國其實不大, 有分室內及室外區, 有ASIAN FOREST, WAITER LILIES, CONTACT PARROT(要另收300YEN), CONTACT ANIMALS, TROPICAL FOREST, KANGAROO FARM區等等 以往去動物園都係睇D動物係個籠入面的生活, 永遠都係距離動物好遠, 但呢個動物園, 除左一D有攻擊性或太大的動物外, 所有動物都好自由, 雀仔可以自由地飛, 袋鼠同水豚可以四圍行, 樹懶同環尾狐猴都係冇遮冇掩咁生活, 就連海獅同企鵝, 你都可以好近距離咁睇到, 當然, 遊客都要自律, 唔好亂咁餵食同摸佢地。 點擊圖片放大 +49 除左”睇”動物, 仲可以同佢地互動, 會場會提供食物, 一份只要100YEN, 你就可以餵動物。另外, 都有D動物SHOW睇, 亦都可以體驗騎馬等。總之, 記得入場時攞個時間表睇, 或先上網查好表時間 場內都有三間食肆, 有花森林餐廳, 可以食自助餐, 另外有羊駝CAFÉ, 賣的是熱狗, 意粉, 用有漢堡店RETRIEVER, 食物質素係好普通個D, 唔好有太大期望, 但係食飯的地方真係好靚好FANCY, 係度食野心情都好D。 點擊圖片放大 +8 呢個動物王國最受歡迎的動物有例如草泥馬, 鯨頭鸛同水豚等, 所以紀念品店入面的產品多數以佢地為主, 亦有好多其他動物造型的產品。 點擊圖片放大 +2 原本以為呢D地方兩三個鐘就可以行完走人, 點知搞左四五個鐘先走, 仲要走左先知完來我都未行晒全個動物王國, 即係比個機會我下次再去啦！ 資料: 神戶動物王國 WEBSITE: https://www.kobe-oukoku.com/institution_guide 地址: 兵庫縣神戶市中央區港島南町7-1-9 營業時間: 星期一至三, 五至日10:00-17:00(星期六日及公眾假期至17:30) 入場費: 成人1,500YEN 65歲以上: 1,100YEN 小學生: 800YEN 4-5歲: 300YEN 交通: 由大阪出發: 坐JR到三宮站, 轉乘Port Liner開往“神戶機場方向” 在“K COMPUTER站(神戶動物王國)站”下車即到。
