今日去伊豆的重點係去下田睇流星河+夜櫻。下田係伊豆線最尾個個站, 屬於南伊豆地區。 前排係fb睇到個post介紹呢個下田有一個地方睇流星河及夜櫻, 日期只得三日 (3月4,5,6) 張相靚到不得之了!!! 所以立即刻行動。 終於去到會場, 真係嘩嘩聲, 現場睇, 實在係太靚啦, 灣灣河川, 一點點藍燈營造出星星的效果, 河川兩邊有夜櫻的襯托, 實在係太靚啦！ 河川中間有一個特別觀賞台, 只要比200yen, 可以係河川邊欣賞流星河15分鐘, 當然要去啦, 因為落去睇個景更靚, 更壯觀。 河上面的燈, 散佈得好平均, 正心諗點樣做到呢個效果呢, 我就見到原來有工作人員係水中間將d燈推散, 令到佢地散佈得平均d, 天氣咁凍, 要係水入面工作成晚, 實在令人尊敬！ 整段流星河都幾長, 仲有好多小食攤位, 睇完去食下小食 但因為的士司機等緊我, 所以去完特別觀賞台後就走左啦。 雖然好靚, 但都有可惜的地方..........1/. 兩旁的櫻花唔知係未開定落左, 見唔到粉紅的效果。2/. 點解影黎影到都鬆郁矇呢......我的攝影技巧太差啦, 實在要多d練習!!! PS: 呢個流星河其實係叫Amanagowa project, 已經係日本好多地方進行過, 有興趣可參考以下website http://amanogawa-project.com/en/detail點擊圖片放大 +12
