寒櫻, 八重櫻, 昭和櫻, 福爾摩沙櫻, 吉野櫻, 天成吉野櫻, 河津櫻, 松月櫻, 霧社櫻, 一個地方十種櫻花, 去台北內湖公園就可以睇晒。 去台北賞櫻, 再唔係陽明山, 淡水, 北投, 鳥來獨有, 最近睇過好多台北新的賞櫻景點, 全都係市區, 今次就去左"內湖樂活公園", 坐捷運就去到, 好方便呀。 因為太方便, 所以人都好多, 但櫻花樹勝在夠矮, 所以好容易影到花的近鏡, 是但自拍都可以影都花海。 沿內溝溪一路行, 除左有櫻花外, 仲有介紹內溝溪的歷史資料, 就算唔賞花, 當去散步都幾好。順便一提, 因為每種櫻花花期唔同, 所以唔好諗住一次可以睇晒十種櫻花, 但就係因為花期唔同, 所以應該由二月到四月黎呢度都會睇到櫻花。 可惜當日行到一半時落大雨, 我冇完成整條步道, 我就已經要離開, 下年再黎睇吧。 交通: "內湖樂活公園" 捷運東湖站 (啡色文湖線), 2或3號出口, 走向大馬路轉右直行到頂好超市, 再轉右直行約7分鐘, 就會到達樂活公園, 沿路都會有路牌指示, 所以唔怕搵唔到路。點擊圖片放大 +25 點擊圖片放大 +9 點擊圖片放大 +5
