事情發生係2017年8月12日的一個星期六晚上。 那一晚，係我第二次同公司同事仲有我自己波友由PS4 FIFA組隊踼虛擬波到約出黎踼真波。老實講，我一個星期前已經係好奇待，因為我覺得，人大左，真係好難可以約到咁大班人一齊踼波，出一身汗，聯誼一番。平日生活只係番工搵公訓覺，番工搵錢訓覺。 個一日，本身我覺得右腳小腿好崩緊，所以我就不斷拉根，用弓字步起勢拉，之後我拉埋大脾，手同頸，就好開心咁衝出去同老友差下波，斬下波。 大約五分鐘之後，我們正式分兩隊鬥波，實在令我興奮莫名！ 波來波往左五分鐘，我見有個高波彈地飛起，咁我就自然反應地跳高攞身位，再踼高腳將個波控落黎，我一腳踼起，當腳去到最高點時，我聽到小腿後方"㕷"一聲，心已知不妙，當那隻腳觸地那一刻，我已知道，大獲，斷了筋！ 當時，講真，我又不是覺得很痛，只是麻痺了一陣，但我的腳掌已不能再向上拗，是我完全控制不到那腳掌。 我的波友們立刻把我抬起，當我企直之後，我發現我可以一步一步拖著向前移動。我的同事見狀便馬上為我找了一家在深水埗的鉄打館，而我也坐的士前去。入去後，除左波鞋及波襪，我見到腳眼以下已出現一片深紫色。同時，醫師黎到我面前，同我講，有可能我既亞基里斯筋斷左，現在試試幫我捽一下，但他一按下去時，臉色已經一沉，話：我根本都摸唔到你條筋。不如你先回家，星期一去照磁力共振，再番黎搵我。 於是我就番屋企，硬著頭皮同老婆講，我好似整到腳，依家行唔到。老婆聽完，望左我一眼，轉個頭立即又喊又叫。（不詳說） 到左星期一，我去左搵我相熟既物理治療師，佢最初認為，筋應該沒有斷掉，叫我不用擔心，我即刻鬆一口氣。仲做左一連串既治療。過左一陣，醫生黎左，叫我過去。醫生第一時間叫我訓低，背向天，再叫我試下上下郁動我的腳掌。可惜，我完全控制到唔到隻腳掌，心知不妙。之後，醫生用手指按壓我腳踭對上2吋，就講：照都唔照，腳筋位完全凹哂，又完全郁唔到腳掌，呢個係 Achillies Tendon Rupture (亞基里斯筋斷裂，明天即刻入醫院做手術。 同日下午，我自己入左醫院，入院後即刻有人探望，我媽，我外父，波友強哥，仲有明天將同阿仔外母去韓國旅行既太太。 8月13日進行手術 一早6:30,我就被叫醒，換衫準備手術。7:00我就上左流動床，由姑娘推我去手術室，個一刻，我諗左好多野，覺得好孤獨，好涷，同埋好緊張。望住個天花板，先記得要祈禱，希望天主眷顧我。到左手術室後，我被安排到一個停車位，等候被叫入大房，等呀等，一邊等一邊同自己講，唔好有事呀，仲有好多野要做，仲要見家人，朋友.......突然，有一把操大陸口音既男聲講：楊渣灰，HEA樹號入HE喇。 講完，就推我入手術室。 入到手術室，異常緊張，因為見到個D大光燈，同埋當時氣紛非常寧靜，加上那陣陣消毒葯水味。突然，我既主診醫生出現，講：阿楊生，早晨呀，今日會幫你既右腳用聯線既方式，將斷左既亞基里斯根駁番埋。接住，佢就同旁邊既醫生講： 拿，佢比較高大，等陣我地要幾個人一齊將佢反轉去隔離張床。我好入神咁聽既時候，麻醉醫生走埋黎，同我講： 楊生會有少少痛呀下。講完，就係我既右手拮入"豆仔"，之後就同我講，我依家會將麻醉葯注入，手會感覺到好涼，你依家聞下氧氣先。（佢未講完，我見到眼前畫面化開左，之後.....手術開始） 突然，我聽到KELLY係我耳邊唱 ：明天開演唱會..... ，跟住我就醒左。同時見到醫生笑住走埋黎講：楊生，手術做完架喇，好成功。接住就比左張血淋淋既相比我睇。我講左句：唔該哂你醫生。就訓番。比阿姐推番房。番到房我自已過番床。大約45分鐘就清醒，同見到下面呢個畫面。 都唔係好痛。不過，過左兩小時後，隻腳滲左好多水出黎，成張床濕哂，我諗，應該係肌肉水份流失。 過左2日，我被送左去度腳做鞋同埋學用拐杖。都幾難學，最初用完拐杖後，雙手都覺得幾痛。（就係下面呢隻鞋） 出院後，大約14日後，我就番去拆線。 點擊圖片放大 拆線後，就自己洗傷口。係屋企換上輕裝。 點知，好景不常，隻腳生水POT。 點擊圖片放大 +2 過多10日左右，隻腳就靚番，而且可以沖涼。（大約手術後個半月），但出門仍然要用那大鞋。 可以出街不用拐杖。 最後，術後第70日，我可以正式著番鞋出街 加上半個月既物理治療，就叫做好番哂了！ 但當然，唔可以同未出事前相同，因為小腿縮細左，腳筋緊左。到了2018年都仲係咁，睇黎無辦法要接受了，起碼行得番。
