(以下將以廣東話演繹) 話說我已經鎖好晒啲門窗先去瞓覺，點知第二朝有人敲我二樓嘅房門，我已經驚一驚。開左門，見到個屋主，拎住本簿懶係嘢咁話想記低間屋有咩壞，叫我show俾佢睇。 好啦，咁我就帶佢睇，期間佢行得勁近搭晒膊頭，我已經盡量避，之後落到樓下佢話指俾我睇有咩要清潔，鬼叫自己應承咗幫手，點知佢係咁叫我入個有浴缸嘅浴室，話要俾我睇下邊度污糟。我死都唔入，同佢講企門口睇得好清楚，我期間勁驚，一路行一邊開窗，又拎到部電話實一實。佢突然喺我耳邊發出啲呼吸聲，好L嘔心！隻手由膊頭掃到落腰，再摸到落Pat，頂！勁驚又勁嬲，一嘢Fing開佢隻手，認真同佢講我唔鍾意咁樣。 好彩，佢走咗。 但我全日唔敢返入屋。 話咗俾班朋友知，有人叫我夜晚瞓覺放定刀喺帎頭；有人叫我用櫃頂住房門；有人叫我返Auckland先；有人開始幫我搵附近有冇其他地方搬。正如之前所講，season就快開始，係超難搵住宿，加上冇車真係邊度都去唔到。到11點幾，有朋友話幫我搵到一間有位叫我打去問。係一對台灣夫婦開嘅Share house，打咗去俾老闆娘，我同佢講想租一星期，可惜佢係想搵可租整個Season嘅人，我同佢講我真係好趕住要搬，佢問我咩事，講咗之後，佢話好危險而家即刻嚟車我走。 嗰刻真係好感動，多謝你Hanna。多謝替我擔心、為我諗辦法嘅朋友們，有啲只係識咗幾日，多謝你地咁幫我。 剛到一星期就遇到呢啲事，同咗好朋友講，但偏偏冇同屋企人講，因為佢地知道咗實會勁擔心叫我返去。 對唔住，呢個夢我一定要發落去。 而搬走後又出現一連串問題要解決，經常處於煩惱，解難能力被逼著LEVEL UP。 PS. 圖為文中提及在PAPAMOA的住所，如要入住請慎重考慮清楚！如只有一個女生，切勿入住！
