每次同朋友gathering就係離唔開旺角、尖沙咀同銅鑼灣，去左咁多年都有d悶! 其實地鐵開車後，就發現西環真係一個好地方，仲有好多好特別嘅餐廳，就好似最近新開嘅 Cafe2！ 估唔到平日夜晚都咁多人， 裝修舒服同朋友傾計都開心d! 食店裝修有少少似工業風，最鐘意店主依盞燈同周圍嘅掛相 依杯 Cookie & Cream Deluxe 夠哂濃味，朱古力好香好滑！ 餐湯要左周打蠔肉湯，隻蠔真係好大隻，仲好有鮮味，不過就咸左少少！ 前菜有三文魚火腿沙律，火箭菜本身帶點苦味，作為前菜好適合， pizza係無失望嘅！佢當然唔係連鎖集團個種厚批，依種又薄又脆口嘅係傳統薄餅做法，今次叫嘅係羅馬薄餅有意式火腿、羊洋蔥、燈籠椒同青水欖，做得好野味而且時間岩岩好！平時我挑哂D一粒粒青水欖出黎，但今次竟然覺得幾好味！ 主菜做得最好味，樣樣都讚！老婆大讚魷魚好味，同泰式辣醬真係好夾！但我就覺得銀雪魚更好味，脆皮同滑嫩肉質成對比，咬落去口感豐富，令人回味！ 依兩塊9安士澳洲M10純種和牛就更加OMG，外面煎得脆得黎肉汁豐富，咁厚身嘅steak都做得咁juicy好難得！3百幾蚊食到咁高質素嘅牛扒，真係好抵食！
