自製環保按LIFT掣神器 點解會整依個按lift掣神器呢???? 真係好多個原因~~真係好抵整~~唔整唔得~~所以整左XD 原因(1) ~ 見到朋友仔Zoie姐姐整~~所以都要整埋一份 原因(2) ~ 學校老師提及過大眼B係勞作方面既捲紙比較弱要多練習 原因(3) ~ 大眼B成日唔肯幫手按lift 原因(4) ~ 屋企有舊雜誌 原因(5) ~ 係屋企太悶冇野好做 原因(6) ~ 好好消磨時間 原因(7) ~ 大眼B捲得成後好開心 原因(8) ~ 環保教學~可以轉化冇用既野成為有用既野 原因(9) ~ 零消費 ~ 有作為 ~ 有成功感 ~ 有咁多個原因唔係唔整嘛?!?!?^^" 我地開始喇~~只需要舊雜誌紙同膠紙就可以造成依個按lift掣神器 簡單到痺...只要拎一張雜誌紙捲捲~~捲~~起佢就得了 重點就係要「手緊」!!! 咁先唔會漏財嫁XDXD 捲到尾時貼上膠紙貼實就成功了 自己捲到幾咁開心~~雖然真係練左好多張嫁喇...張張都鬆到蛋卷咁 有志者事竟成既~~~~中途有唔開心...有氣餒..亦都話唔再整 小朋友要教要氹~要係失敗之中搵番自己~ 大眼媽要陪大眼B一齊錯~~媽媽唔係聖人亦唔會係永遠是對的 所以要示範媽媽都會失敗都會錯~~想大眼B幫媽媽一齊完全 依個遊戲中睇到大眼B係好快冇心機...放棄...憫憎 但當媽媽都同時失敗時...反而大眼B就叫番媽媽「再黎過啦」 就係咁~~我地一齊黎過好多好多次後....到冇晒紙時... 大眼B再講一句....「我仲要整呀」大眼媽話「冇晒紙了」 大眼B「咁去買啦」大眼媽「咁又唔好~我地已夠用了~加上我地要環保」 當整完晒後...大眼B見到大眼媽畫既公仔又聯想到「回力鏢」 咁我地邊收拾一切時又傾談下回力鏢點解會返到黎原位既原因喇 源源不絕一個駁一個既話題令我地可以好好消磨下抗疫時間 大眼B好興奮好想即刻試佢既傑作 頭一兩下未掌握到手力同角度係難DD既 之後熟習左~知道大概去到邊一個位置就會食力D 成個指揮家咁XDXDXD 一個玩唔厭既日常逸事 哈~~神器冇得伸縮嫁...所以未夠高既就按唔到了 一著燈就笑到四萬咁~~其實平時都會著燈嫁啦^^" 按完就要掉了~~~反正帶左幾枝係身~~千奇唔好袋住再用喇 活動教學~~其實大眼B係諗住留番之後用 又有題材了~~~我話要你捲咁多紙都係預備多D 因為有細菌~唔應該留係身邊要盡快掉左佢 我地仲有好多~~用一枝就掉一枝啦!!!!! *****************************************************************
