由於要就大眼B上埋堂先出發~~所以我地係搭黃昏機~~ 到達台灣已經6點多了~~再去到酒店CHECK IN~ 執少少野再出發已經係7點半有多了~~~做咩好?!?!? 第一日冇咩Planning~~諗住去掃下街~~ 7-11到處都係~~~最正既係間間都好大間~~真係行7仔都不得之了lu~~ 好~~我地先去街下夜市有咩食先....不過....真係...靜左d不及台北 最後...行晒成個夜市...我只揀到蚵仔煎食~ 原來好好彩~~我叫完後...同我講15分鐘先有.. um...一頭霧水...係咪我聽錯呢???? 需要等咁耐..???咁我就再行前去睇下有咩食啦~ 結果真係到返轉頭都仲未有...真係等左超過15分鐘... 但係依個時候...已經6,7,8,9,10個人埋黎..都被回應「賣完喇」 咩事咁出名???依刻我先睇...卡片....原來係依間~~~之前睇過台灣介紹 係好出名的~~原來真係會早早就賣晒~~~ 嘻~~不過我食完一般般咋....因為我地外賣拎走..再去第2到搵食 但就係因為拎走....而且行到好遠好遠...唔想凍晒先食 係冇落任何汁醬之下...食晒~~係咪因為咁而唔好食呢?? 不過又諗....如果只係靠汁醬既話...我食乜蚵仔姐 直接lam d汁咪得囉~~所以...一般般...都係一般般啦! 行行下...比大眼B見到個超級無敵大大大大既扭蛋機 超開心~~彈彈彈咁~~就比佢扭下啦~~ 真係超大隻嫁依隻青蛙 粒蛋都有番咁上下大~~~ 好似要潮聖一下咁~~~ 終於到手了~~~ 一對手手拎住~~~真係好滿足!!!! 原來個蛋入面冇玩具嫁~~好在有個路人大叔應該一直望住我地 我地一走佢即叫我地去換禮物~~我地先知原來有個BOOTH換嫁 最初比依3個袋仔我.....我呆呆的.. 好在最終有部車仔....雖然望落去應該係淘寶10蚊野.. 不過冇得選擇下就算啦~~~~ 行行下我地又行到去另一個夜市了~~~竟然我同大眼爸有同一樣想食既野 終於見到同買到~~同超新鮮~~係即切嫁~~ 次次係台灣食都係切定左一包包放係到~ 今次真係驚喜~~特別好味D~~~^^" 本來想黎依間Cafe既...因search openrice...佢開到2500添呀 其實話25...已經覺得怪....開到21已係bonus啦~~~ 點知黎到.....收18嫁............openrice...真係不可信了~~白行~~ 再行行行~~真係要食野了~~~好肚餓喇~~~ 好好味既串燒~~行到攰唔想再邊行邊食~ 坐低抖抖慢慢食~~ 而且坐低食先影到個靚靚樣~~~ 依到既串燒好好味呀就算唔辣都好香口好夠味~~ 菜菜菜~~~早之我叫多2串啦~~~好多汁好fresh呀~~~~ 叫左粟米比大眼B又唔食..一''一..... 放心~~菜類~~大眼媽多多都全收~~ 羊肉好淋~~唔錯~~~ 豆腐都做埋串燒~~正呀~~~ 依到咁多串+埋一L石榴汁~~只係HKD 100咋~~~~ 係香港.....點食到?!?!?係唔係要帶多個胃黎食番夠本??? 仲要係...真係好味、新鮮同足料過香港丫嘛!!!!! 食飽飽我地去7-11 SHOPPING 大眼B話要買野食~~咁就由得佢自己揀啦~~ 自己揀係開心D~~不過幾得意~~每要一樣都問我要唔要得 其實冇教過佢要咁做~但都會問~小朋友既可愛!!!! 買埋我要既藥膳排骨湯~~~攪掂~~返酒店!!!! 大家洗完白白嘆宵夜喇~~你地睇~~大眼B自己揀左幾多野?!?!? 樂事2包薯片就唔係大眼B揀既~~當然D茶同可樂都唔係~^^" [親子遊]玩樂在高雄#1~市區預辦登機 [親子遊]玩樂在高雄#2~到左機場喇 [親子遊]玩樂在高雄#3~上機邊睇邊食好快到 [親子遊]玩樂在高雄~非常精彩的親子酒店~鈞怡大飯店 [親子遊]玩樂在高雄#4~夜市掃街去 [親子遊]玩樂在高雄#5~麥當奴都可以玩一餐 [親子遊]玩樂在高雄#6~沿途好好SHOP~
