今次快閃到高雄既目的~~~就係住依間酒店!!!! 因為被依間酒店吸引住~~所以即卜房、買機票 一切係2日內完成亦都係一星期後出發~ 認認真真的快閃~~~~ 佢就係鈞怡大飯店~~正正係愛河隔離 大大個地標~唔怕盪失路~~同任何人一講亦都會知道方向 好神秘既大木門呀~~~~通常電趟門都會用玻璃物料 鈞怡用左厚身木材做表面~增添左一份型格~~~ 大眼B都呆左呆...唔知係自動門黎~~~一打開果時大叫了XDXD 好興奮咁跑入去了~~其實依加已係7點多了~~ 11小時未訓覺既大眼B依然好著躍~因為岩岩到酒店佢一定會周圍走周圍玩 個LOBBY都好時尚~~~ 雖然座椅密密的打對面~不過都唔多局促~~ 大眼B又再周圍探索一下了~ 另一邊有木枱~~~高腳椅~~偽一偽文青都可以播!! 大眼B又周圍閃啦~~~ 我地CHECK IN 完LU~~我地住803號房~算係幾大既一間~ 我地住依幾日都可以無限次出入Playhouse~~ 不過其實我地都好多行程~所以每日都只會黎到一次 但大眼B已經超級開心了~~~ CHECK IN 時~職員仲同我地講~~ 我地可以每日免費享用下午茶 真係幾意外既bonus~~~^^ 一入房~~冇失望~~真係幾大~~ 兩張大大既床外仲可以有咁闊既走廊~真好~ 仲有sofa仔~~ 又係咁既玻璃間格~~大眼B最鍾意~~~ 回想係台北住....往往...一個喼都不能全開~~依到真係好舒服 最怕大眼B周圍跑周圍跳會撞到~~~ 間房大~~可以令我放鬆好多唔洗成日怕佢撞親 又係一入房就玩電視既大眼B....所以我唔比佢入黎住XDXD Toilet光猛乾淨又大~~~ 好潮丫~~~~~ 大眼B又有排玩了~~~ 一切都好齊備!!!!聽日再帶你地睇酒店既其他設施!!!! 今朝一早我地出左去玩呀~~不過要趕返黎參加下晝既活動 返到黎時間尚早~~我地去餐廳嘆個下午茶先~~ 住客天天有免費的下午茶任你吃過飽~~~~ 真係非常貼心~~而且沒有因為免費就是是旦旦 有凍有熱有小吃有甜品果汁 真係幾唔錯播~~~~ 其實我地岩岩食飽飯~~~仲係食足2個半小時既飯~~ 真的好飽好飽~~~ 所以只食左CAKE同飲杯茶 真係有早餐咁豐富既麵包~~~ 有果汁~~~ 仲有幾款熱辣辣既蒸包~~ 茶都有中有西有日任你揀 WOO~~~~乾杯~~~ 哈~~被我地整古~~~竟然係酸既 不過又要繼續飲播~~~ 好味~~~我地抖左陣又食飽飲飽~~係時候去Playhouse玩喇 我地好好彩~~~遇岩酒店舉辦既活動!!!!我地去玩喇~~ 一入到黎~~~就開心到彈起喇^^ 我地報左名做shopping小車手~~ 我地周圍睇下先~~因為未夠鐘開始~~仲接受緊報名~~ 自動地乖乖坐係到聽姐姐講野 (其實....你根本聽唔明..............) 集合晒d小朋友係到準備講解喇~~ 你~~~真的咁用心?!?!??!你唔識聽國語嫁播.......?!?!?!? 好~~~準備開車車喇~~~ 我地要跟住派比我地既圖片~~去唔同既商店到買產品 我地先去左買提子汁~~~ 之後再去買雪糕同雪條~~ 買完野要放入shopping bag嫁~~ 放好個袋就要再開車喇~~~ 我又再去買完野返黎喇~~趕住再去下一間舖~~ 今次我地要買梨、芭樂、洋蔥 好了~~我地買完了~~再出發喇~~~ 媽咪要跟住在旁~~一來影影相...二來...太多撞車意外XDXD 要幫手整番好部車再出發~~~ 好喇~~~買晒喇~~拎去比姐姐對對先~~~ 姐姐對緊我有冇買錯野 YEAH~~~~岩晒~~~ 好野~~姐姐話有禮物!!!! 原來係車車黎嫁~~問我想要咩野色~~ 我話要RED!!!! 嘻~~英文國際語言個個都識聽~~~ 姐姐羅左RED比我喇~~~~ 好靚呀~^^~ 酒店真好~~又安排節目~~又免費~~~仲要有禮物!! 小朋友玩得好開心好盡慶呀!!!!! Playhouse除左車車仲有好多野玩~~等我去玩比你地睇啦~~~ 小小攀石牆岩晒我~~細細個已經鍾意玩攀石 依個蜂巢形既爬架~~~好好玩呀~~~ 爬上又爬落再可左左又右右~~~ 你睇~~~我成條海獅咁喇~~~~ yeah~~出番黎喇~~出波波池游下水先~~~ 依個投射感應牆好好玩呀~~~ 只要我掉波波埋牆~~就會有火箭昇空嫁喇~~ 狂掉狂掉~~~~~ 好多火箭呀~~~~~ 依個仲厲害~~又係投射嫁~~~~ 我地踢波波先~~~一踩佢...個波就會飛走嫁喇~~ 玩足球會玩到趴晒係地~^^" 捉波波好好玩呀!!!!! 我又走番去大果邊既波波池湊熱鬧喇)))))) 超級多波波真係好好玩呀~~~ 我賣雪糕雪條~~你食唔食呀???? 收你平d啦~~買1送1喇~~~~ 依個又幾好玩播~~可以訓練到手手 我都係第一次玩~~~插下落去又扯番出黎~~~ 扯番晒出黎lu~~~大成功!!!!!!! 放滿晒後.....可以變成波波池既朋友~~棒棒池~~~ 你餓未呀???我煮野你食丫~~~ 又要煮又要焗~~好多step嫁~~~ 我好認真嫁~~~~ 連手套都帶埋嫁~~ 真係厲害....又會知道用焗爐要用隔熱手套既?!?!??!?! 車車場既名車呀!!!!!!!!!!!!!! 部電單車好正呀~~~~~~~~~~~~ 我要做華仔~~~~ 邊個坐我車尾?!?!?!??! 我仲去做埋醫生添~~~ 你有冇唔舒服呀?!?!!? 我幫你睇下先啦~~~~~ um....都係打枝針快d好播~~~ 唔洗驚既~~小小痛嫁咋~~~~ 好~~~我收工喇~~我又要去第2到玩喇!!!!! 我地頭先玩完playhouse就出左去行街街食飯了 返到黎沖番個靚涼先~~~水夠熱~水壓穩~缸夠大 我又嘆番個泡泡浴先~~~~ 唔好裝我喇~~~我除衫喇)))))))) 洗完白白出黎....見到媽媽..................................... 床大張~~~幾咁好~~~~~ 我地覺覺豬喇~~~聽日再介紹~~~早抖!!!!! 細心望望.....姐姐前面隻腳仔....係我黎嫁!!!我搶先入去呀XDXD 玩過咁好玩既Playhouse.... 媽媽尋晚話今日早起身又有得玩 所以我今日真係一早彈左起身~~ 等playhouse開門呀~~ playhouse開10點...我10點未夠就係門口等了~~ 好心急好心急~~~~ 尋日有活動又係星期日~~所以比較混亂 經過職員打掃同重新排位後~~~ 今日見到本來playhouse既模樣~~ 第一個跑入黎既好處~~ 就係享受到「成個playhouse都係我既」感覺 不過時間唔等人的~~~ 除左大眼B心急....好多小朋友都好心急 唔夠2分鐘到...已經有另外既小朋友黎了~ 大家都向心儀既目標進發~~~ 其實講左咁耐...只見到大眼媽周圍影 點解會唔見左大眼B既?!?!?!? 因為大眼B都冇理過我~~~走左去渣車了~ 男孩子始終係鍾意車既~~所以佢第一個跑入黎已去左車場玩 不理一切~~只顧渣車 不過渣來渣去都係要藍色 藍色型D嗎?!?!?!?!? 大眼媽終於影晒所有野返黎影你喇~~~ 唔知冇睇住你果時...有冇炒車呢XDXDXD 開始多小朋友了~~ 亦都走左去換車~~~ 你打唔打算坐我車尾???? 正呀~~戰車呀!!!!!!!!!!!!!!!!!! 我行了~~~~ 有姿勢有實際播~~~~ 跟車唔好太貼播)))))))))))))))))))))))))))))))))))) 小心D渣車呀~~~ 一飛再飛~~~~ 好喇~~~叫大眼B讓比其他小朋友玩了 開始多人同埋已玩左好耐 好在大眼B乖乖合作~~~其實都幾醒~ 一早入黎玩左車先再玩其他野~~ 又去玩火箭了~~~ 今日未係咁曬~~所以好顯色~~更加好玩~~~ 不過愈掉愈興奮...掉得太大力~~D波波反彈晒出去 平時大眼B好鍾意玩LEGO~~今次...見到咁多新奇野 所以冇玩過~~專心一意玩晒D佢未玩過既野~~~ 開始愈來愈多人了~~我地都玩左一個鐘喇~~ 我地走了~~又出發今日既行程~~ 聽日再玩過啦~~~BYEBYE!!!!! 我地住河景房~~所以平時望出黎就係咁既VIEW喇~~ 今次倒轉....我地望番酒店...我地間房係邊呢?!?!?!? 依到既景色真係好靚~~日頭清幽廣闊~~夜晚五光十色好迷人 在鬧市既中心又可以有一份寧靜 依個波波幾靚~~唔知咩黎既呢?!?! D建築設計都比香港新穎 長長既大街好多野食呀~~~可惜我地食飽左先返黎.....添 碟碟25蚊?!??!?究竟咩黎既呢?!?!??! 真係7仔都大過你間屋呀~~~ 又係指定動作返黎玩泡泡~~~ 宵夜~~一個梅子鴨~~一個藥材鴨~~ 始終都食唔番10年前既藥材湯味~~ 酸酸地幾好味播~~~~~ 我地今日又係一早黎等開門~~~今日我地會走了~~ 所以出力玩多一次喇~~~ 我黎扮下警察先~~~ GOOD MORNING SIR!!!!!!!!!!!!!!!! 鎖你返去慢慢傾~~~ 下....有咩指引呀?!?!?!? 仲唔過黎比我捉?!?!??! 收好個Walkie Talkie先~~ 眨下眼變身就做左消防員了~~~~ testing testing~~有冇人呀?!?!? 要鋸木?????? 咩事要鋸左人地間屋呢?!?!?? 好喇~~我又忍唔住要去渣下車喇~~ 冇錯~~又係藍色車~~~~ 其實依到好多車既~~~ 只係鍾情藍色點都係渣藍色車~~ 今日有個小弟弟陪玩~~~ 小弟弟岩岩識行咋~~唔好蝦人地呀~~~ 不過大眼媽覺得小弟弟手車仲勁過大眼BXDXD 今日係平日~~所以幾清閒~~~ 冇咩小朋友~~一直都只有大眼B同埋弟弟 所以車係任渣冇人等~~ 不過點任渣都好~~都係藍色嫁啦XDXD 去追弟弟了~~~ 加油~~你2個包晒個場了~~~ 好爽丫~~~~~ 平日既清幽同星期六日既熱鬧真真正正係兩回事 建議係到住既話最好橫跨晒2種日子~~ 可以欣賞下寧靜慢慢玩晒所有野 又可感受熱鬧~~可以同小朋友一齊互動 而且酒店好多時都會舉辦活動 大多會係假日進行~~ 可以碰碰你既彩數好似大眼B咁可以參與到活動 活動有佢當中學習既意義~~而且會睇到小朋友明唔明白指令 就好似今次咁~~~其實...大眼B真係唔識聽國語 全程活動佢亦都緊閉左自己個口 好緊張亦好認真去完成~~而不發一聲~~ 如果冇活動既安排~~大眼媽根本睇唔到大眼B依一面 只會好似平時咁渣住車仔兜兜兜 原來佢既明白同行動只會直接用行為黎完成 令大眼媽見到佢原來....會思考、沉默去做 亦都有條理同文靜~~嘩~~文靜依個字...真係未見過 但當佢完成晒任務後~~就好似突然「登」一聲回魂 又變番扎扎跳不停講野既佢 依個交接~~感覺真係幾奇妙~~~ 我地係時候要走了~~~去玩埋我地今日既行程就要返屋企了~ 好期待再次黎鈞怡~更希望會有多D既分店~ 唔同既模式同樣貌再次帶比大朋友小朋友無限既歡樂 今次既旅程因為鈞怡而安排 同時冇令我地失望~~呈現了一次一次既驚喜同歡樂 大家有機會都黎享受下喇!!!! [親子遊]玩樂在高雄#1~市區預辦登機 [親子遊]玩樂在高雄#2~到左機場喇 [親子遊]玩樂在高雄#3~上機邊睇邊食好快到 [親子遊]玩樂在高雄~非常精彩的親子酒店~鈞怡大飯店 [親子遊]玩樂在高雄#4~夜市掃街去 [親子遊]玩樂在高雄#5~麥當奴都可以玩一餐 [親子遊]玩樂在高雄#6~沿途好好SHOP~ 高雄前金區河東路10號 鈞怡大飯店位於高雄 距離真愛碼頭不到 800 公尺 距離高雄市立歷史博物館不到 1 公里 設有健身中心、共用休息室、免費 WiFi、24 小時接待櫃台和餐廳 客房設有空調、平面有線電視、冰箱、熱水壺、淋浴設施和衣櫃 部分客房設有私人衛浴，並享有海景 館內供應自助式或美式早餐 館內設有商務中心，方便客人使用。 飯店距離駁二藝術特區步行 17 分鐘 最近的機場是高雄國際機場，距離 10 公里 前金區是海鮮、美食、夜市的絕佳選擇 此住宿也被評選為高雄最佳地理位置住宿之一！ 顧客滿意度比同區域其他住宿高
