機程3個零鐘話咁快就到Lu~~~見到個陽光真開心~~ 起飛前又落雨又閃電~~黎到依到就陽光普照~ 睇天氣報告香港成星期都雨雨雨打風~~今次走得超及時了 大眼B已經好興奮了~~~知道到步後就會有野玩 天朗氣清!!!!!!!!!!!!!!!! 檳城~~第一次黎既地方....未到之前仲以為好落後~~~~原來同吉隆坡都差不多 機場唔係太大~~但光猛新淨都幾唔錯~~~ 光光淨淨真係最緊要~~ 換左9百幾蚊馬幣~~其實我係用菲幣黎換既~~ 之前去長灘島用淨既就換埋佢啦~~再去先再換 免得N國之錢都堆晒係屋企~~9百幾馬幣係港紙$1900到了 檳城好細~~亦都冇鐵路~~全部都係路面車 所以我地全力都係CALL車~~~依到冇UBER嫁 係用Grab call車~~~超快....次次可以10秒內覆你有車 5分鐘後車就到面前了~~~厲害過uber呀~~~ 依到d車都幾企理~~比吉隆坡仲好dd添 到左酒店喇~~~大眼B周圍狂跑~~因為佢好開心~~~ 係咁問我天花藍色既係咩?!?!?答左佢係燈黎~~佢話唔係~~ 佢話藍色係海洋~~果到有魚~~~~~~~~~ WOO~~~好嘆呢~~~~~ 依間就係我地住既酒店喇~~~ 有得按摩播~~~~~~~~~~~ 等CHECK IN都冇咩好做~~~睇下野啦~~~ 咁都可以玩一餐~~~所以其實每事每物對小朋友黎講都好好玩~~~ 熱到冇朋友丫~~係香港已頂唔順~~~又何況依到呢~~依到係熱 不過冇香港咁濕~~都總算冇咁辛苦~~但真係會熱到巴巴聲流汗囉~~ 但...都真係未及上一個月韓國既恐怖..... 我當時真係有諗...我會唔會熱死係韓國?!??! 又會唔會甩左隻鞋腳板掂地會灼傷?!?!?! 我都覺熱...我都流汗既...其實大眼B真係走唔甩... 溶點溶到每次要3張紙巾先抹得乾個頭~~ LOBBY都幾大下...連Lift都有6部~~~ 一入房既元關位幾靚播~~~ 依個設計都幾好~~可以檔晒門口位..唔洗下下一開門就望到晒入黎 不過so far依到唔多人流~~都未試過同層撞到人 依個位....夠晒我地食宵夜啦XDXDXD~~ 睇下間房先~~真係幾開揚~~~~ 大吊扇~~岩晒~~~~真係岩晒大眼B了~~~ 成個toilet...真係半間房咁大~~厲害 一個toilet既用具.....分開左3個區域~~其實都幾好~~唔洗互等廁所 而且空間感咁大~~個人都舒適d~~~ 冇用過~~~唔知如何~~~ 成間房都好多油畫~~都係同一個collection~~~花!!!!! shower既地方超大~~~大過一張king size床~~~2合1既設計都幾好~~~ 2張大床~~~~~~ 大眼B已出左露台玩了~~~ 露台有一個泳池仔同埋steam room~~ 一見到個池就話要游水喇~~~當然nonono啦~~因為你下一秒就會肚餓~~ 我地要快快執好野就出發去食野喇~~~~ 對出係海~~不過依個海唔多靚~~~黃泥水一般~~所以最終我地都冇落過去沙灘 不過對果條長長既海濱盞道好有興趣...但又咁大個太陽...真係好矛盾呢!!!!! steam room 呀~~~~ 大眼B又巡視業務喇~~~~ 佢話要嘆下世界先播~~~真係爽呀!!!!!!!!!!!! 嘆嘆下就話要出街玩喇~~~~~~~~~~~ 依到個天真係好靚~~~香港~~你好嗎?!?!??!!? **************************************************************** CALL 車--- APPS Grab 依到搭車比香港平得多 around 12-35馬幣到 35蚊仲係講緊夜晚已on top加左5蚊extra fee了 35蚊大概係港紙70蚊~~足足搭左半小時嫁 其餘20分鐘內既車程都係12-15蚊 HKD 30有找呀~~~香港上一上車2腳油冇左了!! 酒店 : 檳城麗昇酒店 依到每間房都有個私人泳池仔嫁 大眼B懶到唔肯換衫添~~ 日日都係到裸泳XDXD 地址: 28, Jalan Teluk Kumbar, Bayan Lepas, Penang 依間酒店比較近機場~~~唔洗10分鐘就到了 車費係12蚊 (HKD 24) 3個人...24蚊..仲要2個大喼, 1部BB車, 再一大個袋 抵到冇朋友啦啦啦~~~~ 大眼B Facebook
