(上:牛肩, 下:牛小排) 今日約左兩位靚太見面午聚吹吹水 去左試牛氣~~~佢都有幾個放題餐 最平$178, 第2個價$248, 仲有...3,4,5,6個價 得90分鐘冇得慢嘆唔食咁貴了 而且第3個餐打後有埋海鮮真係mock殼都要時間啦 我地揀左$248~~~依加做緊promote 每位減$40 第1同第2個餐既分別就係牛小排~~ 亦都係今次既亮點 牛小排~~~真係好味呀~~我自己食左一碟有多 最初掛住傾計~~waiter上菜時聽唔到佢介紹 見有2碟牛只以為係人數問題比多碟你先 加上2碟都冰冰地....眼望睇唔到分別 直到....食到尾升....溶身左....就分得出2款牛 我就試下遠d果碟啦..........一試......................... 再叫waiter黎問佢邊種牛...先知...原來大眼媽自隊成碟既係...牛小排 因此...order多一碟!!!!! 牛肩已冇再叫了.....($178餐只有牛肩唷~~) 個餐仲有豬同雞既~~~~大眼媽留肚狂牛 所以雞係冇食到...豬只食左一片~~ woo~~~原來個豬都唔錯播~~好嫩好滑有豬味但唔so 另外既食物就係自己出去拎既~~都好多款同好新鮮~質素好好 我地加左$10要個鴛鴦湯底(本身一個湯係唔洗加錢既) 我地揀左蕃茄湯同昆布湯 難得友人同大眼媽都係茄人 所以大眼媽都好放心加出盡力狂加鮮茄~~~超正呀!!! 飲品都幾多選擇嫁~~~~出力飲~~大眼媽都飲左3罐嫁 點擊圖片放大 +4 *********************************************************************************** 環境闊落~~座位舒適 樓底都幾高唔會困住一陣打邊爐味 食物質素較同行邊爐放題好 連LUNCH都好爆~~記住要BOOK位 銅鑼灣希慎廣場14樓L1404-1405 $248放題餐, 減$40優惠, 埋單連加一每位$234