木十豆寸........................個名係咪好奇怪??又難記?? 當你寫番埋個字~~~就易記了~~唔洗死背嘛~ 因為佢係一個「樹」字 大眼媽完全係被整個裝修佈置吸引左了~~~ 明明唔係依個年代既人 所見所聞都只係睇電視電影~ 但依個年代既陳設永遠捉緊大眼媽對腳駐足不離 到走果刻先知頭先入黎既門口其實係後門黎~~ 淨係後門都未踏入........已殺盡大眼媽電話既空間了 來~~~睇睇佢個門柄~~~~~ 點擊圖片放大 窩心小句~~都幾有趣 感覺有人陪行樓梯咁~~~ 1963木十豆寸係2樓黎的 睇晒牆上既小句~~轉幾個圈就到了 到了門口了~~~~重重的木門~ 手柄依然係電話筒!!!!!! 非常花漾年華FEEL~~~~轉個頭會唔會有張曼玉走出黎嫁??? 古董陳設真係令人細味~~~~ 難得難得~~~仲會有邊到會搵到丫~~~ 水泥牆~~~木箱~~簡單!!!!有味道!!!!!!!! 絕對不吝嗇擺位佈置 WORK嫁~~~真係有歌聽嫁~~~~ 依到真係令我唔情願地坐低~~~ 影相位多到不能形容 對腳只會愈行愈入~~~ 奈何大眼媽趕時間只好快快快影幾張就坐低叫野食 由於我地黎到既時間又未到晚餐所以waiter問我地食唔食午餐 晚餐要6點後~~~我地當然因趕時間就話要即食 但原來晚餐先有靚靚枱上陳設 一帶到位時就拎起晒枱面所有野了 T﹏T 點擊圖片放大 +2 三杯雞套餐~~~~好豐富呀~~而且D雞好滑~~ 味道剛剛好~~唔會濃到口乾醬汁岩岩掛面唔會漿口 份量仲要好多添播~~~ 白飯都唔會DRY~~~~加埋雞絲同炸蒜 仲有小配菜~~~小蕃茄係醃制浸泡過的~~酸酸甜甜~~~ 蘿蔔乾咸味恰到好處~就算空口食都唔會過咸 淡淡既咸香真係好好既下飯小菜 鹵味拼盤擔仔麵 不同既鹵味~~~入晒味~~~正 冇估到牌頭叫做鹵味拼盤擔仔麵已經有一碟鹵味啦 而碗麵仲可以有咁多餸既.......???? 不禁來一聲.....係咪多得過份呀??? 同樣用心製作既飲品~~~~ 黑糖奶茶~~~唔知係咪仙草黎既呢??定係jelly??? 唔係QQ的~~又唔係爆珠FEEL 但咬落去係一下脆~~~卜~~~咬開左 口感好好~~唔會林滋滋 芭樂沙冰~~好香呀~~~果味好真~~ 仲要好真材實料!!!有埋果粒~~ 太完美了~~~~~ 再加多一碟過貓~~~正~~~~係台灣日日、餐餐都食佢 其實只係好普通亦唔值錢既野菜 但大眼媽偏偏好鍾意食佢~~~可惜香港冇呢.....係到見到一定要叫~~~ YUMMY YUMMY~~~~蒜蓉炒~~~好香呀~~~ 好全面既佈置~~~每一角都係古董 留聲機就係我後面咋~~~~~ 筷子都咁得意!!!!! ************************************************************ 埋單$205, 2人份, 人均$102.50 大份~~味道好~~ 絕對值得一來~~ 感覺好舒服~~可能我係非繁忙時間黎啦 大概5:30-5:40PM黎到 全舖都冇客~~有的只是好多好多好多員工 食物抵食(因為我地食午餐) 食環境食氣氛都搭夠了~~ 大眼媽大概係6:50PM離開 臨走前都只有3枱客人黎左 SO FAR真係一個可HEA可傾計既地方 可惜大眼媽趕住去睇演唱會~~真的要走了 不過我愛依到~~我一定會再黎~~~
