閨蜜之約~~~~真係來了1個巧合先食到依間餐廳 事原提議了去食長腳蟹海膽泡飯的 不過...等了又等之際又心思思搵左間「手抓蝦」既魚生飯想試 到人齊了~~一行三人行到去魚生飯的店舖.................. 1個人都冇...唔敢入去..再者除左$98既「手抓蝦飯」外 其餘既大概係....$198, $248, $338 一碗 有感一碗碗都係飯食得唔盡慶之餘價錢亦唔化算 所以又轉~~~~又行又抬頭望又openrice....都冇結果 兜了又兜....我地去到世貿了~~~就是旦揀一間黎睇下menu啦 一睇~~~依間唔錯播~~好多款~~而且70,80....百幾二百有交易 就入去坐低喇~~~~舖名單字一個「穴」 多吸引既海膽刺身併吞拿魚蓉卷物~~~~~ 上枱時..........眼都凸埋....因為依個雙併價錢只係$16x 心想海膽只會係指甲般大既size...比2行你已經好多了 來了的竟然是加拿大海膽仲要足足有6件!!!!!! 超市一排5格10件都賣緊$198...平均要$20一件 依到6件~~已經係超市外賣價既$120喇!!!!! 仲要跟埋飯~~青瓜~~~紫菜~~~別忘記依到係一間高級既日本料理呀!!!!! 點會係咁既價錢嫁................................................. 仲有6件吞拿魚蓉卷物~~~其實大眼媽唔鐘意食吞拿魚的 但細細粒又即管試下~~~出奇地好味呀~~~~~ 改變了大眼媽唔鍾意吞拿魚果種味同質感 可能由於係打左蓉啦...又可能加左dd調味~~ 整體上係好味同再有添食既~~~ 看看這個雙拼既份量真係唔差嫁~~~2個人食可能會有d膩添~~ 我地3個人岩岩好~~~我地邊食邊話可以再黎食到再食過 竟然會有一間餐廳令我地異口同聲未食完已經話想再黎~~正!!!! 依個卷物大概係70零80零數到....都唔記得價錢了~~ 望落得少少既黑松露~~~估唔到咁甘香~~好濃郁呀!!!! 粉粉地色既係蝦黎~~~本身以為係放d甜蝦係到 原來係加工過變成蝦膠咁~~都幾爽甜播~~另一質感既食法 而卷物內係蟹肉同牛油果~~好fresh~~~~全部既配合係好fresh得黎有濃濃既松露味!! 個海膽刺身..............真係冇野好講了~~~一口一啖溶化了 正~~~~~多多都仲想食呀~~~~好甘香!!!! 諗住叫個炒飯~~~~見到海膽炒飯$158 (哈~~冇錯又係海膽) 但依個蟹肉、蟹膏、蟹子、海膽石鍋飯係$168 咁....無理由唔試下d得意野呀~~~放棄了普通既炒飯了 個飯拌左飯素又有d飯焦所以好香口~~~ 再加埋好鮮味既「蓋中物」真係......................唔識形容了 清酒煮蜆食得多....所以冇期望亦都冇乜喜好 黎到果刻又係呆了......平時食既大多係5蚊大既蜆仔 依到用上係.....迷你月餅既size呀 超juicy既蜆肉~~好不一樣既味道 完完全全同所食過既係兩回事 咩叫做鮮味.............................筆墨難以形容了 食個碗唔係特別大特別細...大概係大過酒樓既碗仔 隻蜆直頭係放唔晒落個碗到 真係犀非利~~總之一句~~~好味!!!! 酒味唔重~~~不過有dd咸 其實食得講得太興奮仲有個鹽燒油甘魚冇影到 大眼媽第一次食~~~因為怕腥比較少試燒魚 竟然係好滑好香~~~~唔錯唔錯~~$128/3件 *************************************************************** 依到真係可以再食~~~~質量好高~~~ 平平無奇既菜名普通一間日本料理都有 但每碟上枱都令人有見前一亮既驚喜 埋單連加一, $703, 人均$235 咁既質量真係抵食~~而且唔趕人....我地都好似坐左3個鐘有多 「穴」有好多間分店~~~我地食依間係銅鑼灣世貿中心
