同蠔友撐枱腳~~~~最終~~~44隻vs 55隻收場 真係食左人隻車lu~~~ THE ONE 20/F 食景都幾好味播XD 不過...餐廳好嘈~~唔好預浪漫2人世界談談心 整體係由入座嘈到走 幾次要則起耳先聽到朋友講乜 CafeDeco峰景餐廳~~~~~即係前排山頂執左果間~~ 係THE ONE開左一年了 所以今次優惠都係為慶祝一週年~~~ 唔知為期係幾耐~~~大眼媽已急不及待係頭幾日黎試左 BOOK位程度都幾易....仲諗住食閉門羹添~~一BOOK就BOOK到 $198任食美國&法國生蠔連一杯餐酒 佢MENU中既蠔~~~~ 即開蠔吧~~自己任拎~~冇限一次拎幾多 最初初我都發覺佢係即開既....因佢開一隻我拎一隻... 但第2,第3round後...就發覺佢...係將開左既蠔放上冰盤 so far....咩方式都係新鮮既~~好爽....不過...........唔夠海水味 甚至覺得係偏淡 第4round後....真係食到口寡寡了 叫左個炸魚薯條咬咬先 其實佢又冇取巧既~~冇任何負帶條件 真係可以$198+10%就離場~~ 而且唔限時交枱(我地19:45入座, 22:15離場, 22:00就會cut蠔, 大概21:30會通知你一聲) 佢既優惠lunch同dinner都有,如果有興趣食足全段時間 係可以17:00開始直到22:00 你唔介意坐咁耐其實佢又唔趕你走 反而淨點散餐既有限時交枱 最終羅左7轉蠔~~~~朋友仔食左44隻~~而大眼媽就食左55隻 99隻呀~~~~~~~~~~~~長長久久都咪話唔厲害 其實跟佢menu呢~~~佢係出左$46同$62既蠔 大眼媽唔係太食creamy既蠔...只食左2隻...其餘53隻都係食咸爽的 計一計條數~~~以佢menu價計....我係食左佢$3378+10%=$3715.8既蠔 而依加只係$198+10%連一杯酒=$217.8 咁呢....................賺凸佢$3498!!!!!!!!!!!!!!!!!!!XDXDXD 又為番每一隻係.....$217.8/55=$3.96@ (已唔計杯酒既價錢) 冇花冇假冇取巧~~~整體冇壓力唔會迫你額外叫野食 仲會叫你慢慢食~~~可以只叫$198蠔set 整體食後感..............................未試會好想試 試過又唔會番食~~因為對大眼媽黎講好啖口 唔會有回甘既after taste 即時亦都冇海水味 只係淡淡既蠔味~~~而creamy蠔真係好creamy(但大眼媽怕怕creamy) 新鮮乾淨就冇花假因為冇肚痛冇肚痾 事實上確係抵既~~~唔好抱太高要求其實去食一次都無防 同埋試完又唔會覺得唔抵好蝕被騙等等 因為食左咁多你唔會再想試多次 即管去狂歡一次吧XDXDXD
