其實食物都只係一般茶記產物~~~點解都要介紹一下???? 因為佢每一樣都好用心做...做多DD好食DD 就係樣樣DD....DD....咁就值得提一提啦 依個碗仔翅(有分大細,依碗係細) 料好足而且係粗條粗條咁切...唔係髮絲料囉 仲有....唔係粉絲~~竟然係素翅~~真係估佢唔到 依個名為豬八戒車仔麵~~真係有8種豬既用料~~ 另外佢仲有牛魔王車仔麵~~係有5種牛用料~~ 不過想食唐僧肉既你就諗多左喇~~因為係~~~~冇既XD 咸07~~~樽裝真係好飲d???其實我唔識分~~大眼媽唔多鍾意飲汽水 不過永遠都會被咸07吸引左去~~所以叫左~~ 當然對於一個對汽水冇喜好既人黎講真係分唔出樽同罐之味 我淨係分得出....罐可以多d....樽唔夠飲囉~~最終要叫多一樽refill先夠喉 依個正~~~~一向喜愛食豬仔包既大眼媽~~~~唔叫唔得喇 仲要配沙嗲牛~~~個包脆到冇朋友~~牛牛正常味道 夾埋一齊就係~~~~好味啦!!!!!!!!!!!!!!!!!!!!!!! 這個普通樣子既西多.....真係......................................不得不提你 未切開時咪就係覺得你係普通咁普通囉 切開就......................bling bling眼~~~~加晒分 因佢係用上又係大眼媽最愛既粗粒花生醬 到現時為止我仲未係街食過有粗粒既西多 真係打左個凸~~~同埋...你睇~~佢唔係hea搽嫁 係連邊位都有~~~厚身嫁!!!!實在食到大眼媽傻左 不過又真係堅傻....實在太飽了~~樣樣都想食樣樣都叫左... 碗豬八戒當然冇可能ko到啦~~~只食左少少~~其餘係大眼爸食既 依間野講懷舊既~~~所以好多70、80年代照~~幸好....大眼媽只係有點點熟識 有好多都未見過未玩過的~~~~如果全部都熟識就....哈哈哈XDXD 只要你唔好當佢名菜~~~但又比一般食開既好食~~ 大眼媽已經覺得係美食~~~唔通下下鮑魚魚翅先係好野咩 食得多都難消化啦~~~~每一檔次既美食都有佢既頂級排位 我覺得依間陳記都值90分嫁~~~~去開就試試啦~~ 唔係真係好貼近海旁既~~易去易搵方便的!!! 堅尼地城 C 出口行過去大概3分鐘到~~ *************************************************** 埋單$160, 人均 $80 雖然只係普通食材~~~ 但又邊個話一定魚翅鮑魚先好味播 咁多野食每人$80都幾抵丫~~~
