其實Bazzar長期都賣賣賣 對上過黎係賣家電~~不過都係空手而回呢 今次....都係..差唔幾 次次都開11點...不過我次次都唔可以11點黎到 結果咪就係好野都比人搶晒囉 眼見人人手上身上都已經羅住左我有興趣既野 超級無敵咁多人....由1145已係到...但1415先成功而退 原因係超多人排隊... 排隊比錢都排左1個鐘了 所以.....策略係最少2人同行 見條隊開始有龍就去排...之後交替再去揀野 就係咁~~我買左依對鞋仔比大眼B~~ 而朋友就買左3對鞋比自己 都係靠我一早揀完對鞋仔排住條隊.... 唔係既話....4點都走唔到 SIZE未必齊而且係等SALE一對對咁大叫.....21有冇人要....24女仔....26男仔..... 之後回應要就有人比你...所以係搶都冇機會搶只好呆等 原價$385~~ 特價$110~~ 排排下隊見到5件就有50%OFF 可惜男仔真係冇乜野好揀....女仔真係可以揀到4,5對以上 我就搭左前面既媽媽幫我比錢 佢已揀左5件 所以令我都可以半價~~~盛為$55 真係抵....不過想買多幾對都冇大眼B既SIZE呢 TIME SQUARE 1座18樓 只收現金呀~~冇EPS嫁~~冇CASH就係3/F禁左錢先播 買夠$3000就可以用信用卡~~~ 除左個別COUNTER外.....3件起就有額外85折 同場仲有好多衫,袋,眼鏡,手鍊,BB用品 不過都係果句...要超早去....過左12點....D野已經冇得7788 有D超抵既...直頭我1145去到都見唔到了