樣子真係唔多討好~~同我用焗爐真係醜小鴨同天鵝之分別......... 不過尚算係放得落口~~究竟貌似全能既Bruno係唔可以取締焗爐定係我仲未掌握到呢??? 材料 : 5個份量 高筋麵粉 100 g 低筋麵粉 30 g 鹽 2茶匙 糖 1茶匙 酵母 1西湯匙 牛油 10 g 水 75 ml 巴馬臣芝士 適量 配用: 深鍋, 煮食用牛油紙 高、低筋麵包撈埋 先落糖同酵母攪拌 再落牛油 最後先落鹽 (因為酵母同鹽唔係好朋友黎的~~鹽會阻礙酵母發酵, 所以唔好直接將兩者溝埋) 開始搓麵團了~~~~左搓右搓~~當你搓完佢一下放手~~佢慢慢會回彈縮番埋就代表正確了 代表左有筋性已經起筋, 當然佢回扯力大d即係會更有咬口 覺得ok既話就可以比佢靜靜地發酵~~~我唔pro.沒有發酵機~~~要室溫發佢個幾鐘 整晚餐前搓定粉~~~煮完~食埋~~又可以再開工喇 將麵團分成小份 (可以整造型的如喜歡) 剪定個口要黎放芝士 好多隻鐵咀雞呀~~~~雞雞雞~~~雞年全部都係雞 放完芝士入包口到就可以放入鍋了 先WARM機後放牛油紙再放包 WARN左3分鐘轉 LOW 8分鐘再MED 5分鐘 (全程加蓋) 反一反D包包再MED佢5分鐘攪掂~~~~~ Bruno、Rasonic、平板電熱鍋好煮意分享區
