茄子花花 材料 : 整到大概8朵花花 茄子 1 條 ( 依條有剩1/3拎左黎炒) 鯪魚肉 半斤 (其實我買了半斤, 應該唔洗4兩已整到6朵花花) 鹽 適量 楜椒 適量 密實袋/ 唧袋 1 個 糖醋骨醬 (完全中伏...好難好難好難食....被佢累到頂唔住放棄左3朵花花) 建議可自己煮過個醬汁, 蠔油,麻油,水,糖....etc都已經ok 配用: 深鍋 茄子片大概切既厚度就可以了 用水浸住已切開既茄子片唔係就好快會氧化 鯪魚肉先調味 (鹽, 楜椒適量) 買時問問老闆是否已調味 然後放入密實袋內, 將魚肉推埋一邊, 造成唧袋狀, 再係角位尖口剪開小孔 (當然可以用唧袋啦) 茄子片用滾水灼一灼大概10秒令佢軟身 如唔灼....會太脆身, 卷起時會卜一聲折斷 印乾水後拎4片一開二成半圓形 8個半圓排成以上形態 茄子面唧上魚肉 由左邊向右卷起成一朵玫瑰色 取一片較大片既茄子做底座, 唧小小魚肉作 "膠水" 之用 落少少水, 深度大概半CM多DD (即底座果片茄子既厚度) , 然後開MED滾至起泡 將花花放入水中, 加蓋, 蒸焗 15分鐘 蒸好後可上碟, 然後再煮個醬汁 重要既事要講3次~~~~ 李X記既糖醋骨汁好難食!!! 李X記既糖醋骨汁好難食!!! 李X記既糖醋骨汁好難食!!! 所以個汁都係自己煮啦 淋上醬汁即成 更多食譜可參閱 FACEBOOK : Bruno、Rasonic、平板電熱鍋好煮意分享區
