搭地鐵的話有D唔方便都行幾遠下 不過都幾易搵~~係某街口正正一轉灣就係 搭路面車應該會更理想 環境幾岩FEEL播玩懷舊 不過又未舊得晒 去影下相都唔錯呀 最型的幾個大字~~~真係幾有氣勢!!!!! 真係幾多5,60年代既家具, 似係歷史見証唔係仿造 我仲未試過坐依D黎剪髮~~~呵呵呵~~~後生丫嘛 不過唔敢坐...好似散散地既樣...坐爛左唔知搵乜賠 好公開既廁所~~~男女共廁~~有3格的~不過唔分男女 門口有貼紙~~如有需要可自行鎖上大門 依D間房既板都唔知仲係邊到可以搵到了 D包包好好味呀~~超香芝士味 可惜不refill, 人頭數~~~最正係大眼B都有份 不過大眼B食左兩件囉............................. 依個好好好食~~~~蟹肉沙律...由於太肚餓所以忘記了再影細緻D 望落好細碟....一上枱時心諗~~~~~~~~~咁少..點分呀 (我地5個人) 點知....每人分分下都有一個雪糕球咁多 如果2個人撐枱腳就幣了.....點食呢?? 蟹肉好多好鮮好好味~~仲有D青瓜薄片(刨出黎唔係切的)所以好薄又凍凍的好fresh 再有依d唔知咩芝士...一入口...溶左 整體黎講~~必定要叫~~超好食!!!!! 香草意粉用左好多蒜蓉爆炒~好香濃~~配菜係芝士菇菇洋蔥同流心蛋~~冇肉的 依個係南瓜蓉意粉, 淡黃色的就係南瓜蓉, 而且用左好多椰漿, 所以好香好creamy 配菜同上都係冇肉的 鴨脾好林, 特別在於汁同配菜~~有紅菜頭粒粒同埋石榴粒粒, 仲有d小米卜卜脆幾開胃 依個完全中菜西上feel, 簡單黎講係連藕閔豬肉 好入味~~金黃色波波係飯團黎的再炸到脆卜卜索左D汁好好味呀 依個係後叫既...因之前5碟都唔夠飽~~哈哈 終於係有肉既意粉喇~~卡邦尼!!!!感覺冇乜特別 都係前2個意粉好味D 名堂叫做炒魷魚~~~最初想叫但個個都話新年流流咁既名唔老黎唔叫 哈哈~~最終都係炒就炒啦~~~~但感覺唔係炒係灼 魷魚唔UN而且幾爽添不過就唔太入到味 但最好食既...反面係黑蚊蚊既東西 佢係乜????真係一個迷!!!餐牌話佢係粟米餅 但首先佢個色已經出賣左佢~~而且內裡係冇粟米味, 粟米既殘骸都冇DD 不過真係好好味佢好煙UN嫁, 但又唔係年糕咁, 又未去到糯米池feel 但又有d似麵包再加d彈彈既口感~~而且幾入味, 係咸的 最終都冇問其實係乜黎, 食左就算了~~ 是日係慶祝大眼婆婆生日 依個蛋糕係大眼媽自己整的 同樣都係去左上次整日式漢堡既ABC Cooking Studio 之後再打番蛋糕篇Blog呀~~ 個蛋糕睇得又食得播, 幾fresh唔錯 不過由於個蛋糕有落到酒的..而大眼媽唔飲酒 所以一食落去就好覺有酒味 佢係白桃毛士餅 大眼媽覺得幾好食而且環境唔錯既一個小店 雖然係比較行得遠不過為左好食既野食行下當減肥啦 只可惜既係....佢就黎唔做了 聽聞係地契問題......自上次迷你倉大火後工廈轉營被清洗得好快好絕 同樣依間餐廳都好似係被驅趕 所以想去試下既朋友~~~~快d去喇 出發前記住打電話去卜同問下做到幾時啦~~ 電話地址????唔話你聽!!!已經有名係到自己去openrice下吧 有自己出過力既食物會更美味的!!!!!