今日新鮮滾熱辣，去咗一間位於元朗嘅嘅CAFE~Days in the Sun Café地址: 元朗鳳攸北街9A昌威大廈地下28號舖 呢間餐廳每個角落都係影相位，餐廳位置不大，但放嘅PROPS好豐富！成間餐廳都係用白色花同綠葉襯托，置身花海咁~ 其中有個角落，係放咗好多JELLYCAT嘅公仔，有兩張小櫈仲有個小圍裙做打卡位~ 唔知其實係俾小朋友打卡定狗狗呢~?雖然張櫈仔有D細，哈哈~ 但係坐上去真係好得意~ 枱放滿「整蛋糕嘅小廚具」真係好可愛呢~!! 然後呢塊鏡又係一個靚位~ 不過要等後面冇乜人先影到~ 講完環境，就梗係講食物啦~ 大部份嘅CAFE MENU其實都千篇一律，都係嗰D沙律呀、意粉呀、ALL DAY BREAKFAST呀咁，但呢間特別在於個MAIN DISH居然係餃子！？個餡仲要有好多選擇: 黑松露三重芝士、三鮮豬肉、香菇木耳豬肉等等，口味都幾中式，不過，個擺盤真係靚到不得了！我哋頭先係嗌咗精品手作餃子套餐, $98有兩款口味，仲有沙律、兩粒檸檬味嘅madeleine(應該係隨機口味)、另加購飲品，但套餐會減$15的~ 個擺盤好靚，好有和式的感覺，但配上中式的煎餃~加上西式的沙律和madeleine，配搭有趣而豐富~!! 我想講，餃子大大粒，4款都多汁好味不特只，就連放餃子上面的小脆餅都好好味~! 沙律新鮮加醋汁，另外兩粒檸檬味嘅madeleine又真出奇地好食~!! 我本身真係好細食，通常都會食剩，但今日我清盤了~ 值得一提的是兩杯飲品，點了一杯ICED MOCHA & ICED CHOCOLATE，味道正常，但配以好好好好食嘅朱古力餅乾，一咬鬆脆無比~! 另外最驚喜的是，每杯飲品都會附送一張手寫的卡片，真係好有HEART好有溫度的CAFE呀~!!! 店家的小小心意帶給我哋很多驚喜呢~!! 最後連門口都有打卡位，真係處處都有驚喜，番薯同佢嘅朋友仔都好開心呀~!! ‼️如果想帶狗狗去的注意示項‼️始終條件規限，未必次次都可以帶狗狗入內，如想帶狗狗去最好出發前DM店家問清楚。我哋去之前已經DM咗店家兩次，之前都有查詢入室內有咩條件，大家記得狗狗不能落地，如有寵物車或入袋都可以入內，狗狗如果想影相就要自備墊，保持環境衛生同埋要好好珍惜可以入室內嘅小店呀~!!! 非專業小評分: 環境: 🌸🌸🌸🌸/5環境好舒服，採光度十足，整個氛圍都好舒適，只是空間所限，餐廳比較小。每件小陳設都很有趣，每張枱都會有小花樽很有心思。 食物質素: 🍔🍔🍔🍔🍔/5餃子底是用煎的，會有脆脆口感，裡面多汁爆餡要加分！小細節就算連擺盤放在餃子上的小餅乾也很好吃，小甜點madeleine更是一口一個~！一碟八件很滿足。擺盤精緻及講究，小筷子和匙羹係用木的，好似日和式的擺盤~ 飲品旁的朱古力餅乾真係好好食~ 如果有得就咁買我都會買呢！ 使費: 💰💰💰/5正常CAFE價，一個套餐都係$130-$140左右，視乎你點咩飲品，飲品係偏貴，但叫套餐有得-$15都幾好，下次有興趣試埋個甜品呢~!!!交通: 🚗🚗🚗🚗🚗/5好近西鐵站，沿住YOHO行幾分鐘就會到，望住餐廳方向的左邊係入咪錶的小型停車場，我哋頭先等咗10分鐘左右就有位，推車仔行去餐廳都只係兩分鐘內嘅事，所以揸車都好方便，當然星期六日等泊車位又另計啦~!!!
