去得南豐紗廠，通常都係兩個原因:(1) 有狗狗，可以帶狗狗去平台放電跑跑，仲可以成個商場涼冷氣(2) 冇狗，但係鍾意狗同想同人哋狗狗玩玩今次，冇錯喇~!! 又係我帶番薯去遊玩喇~~!!(去得真係密~ 尋日先去完屯門，今日去荃灣~)今次想介紹，係一個好靚又有好多打卡位嘅靚餐廳 -- RoootRooot荃灣白田壩街41號南豐紗廠119號舖Tel: 62666706(逢星期一休息)呢間 Rooot 融合自然元素和本地文化，是一個宣揚健康生活的多元空間。現場所見的確好多綠色植物喺度，不過記住帶狗狗嘅話要著片片呀~!! :) 佢中間有個COMMON AREA，人客係要除鞋先入到去坐~ 好多梳化好CHILL咁歎一日，不過可惜嗰個範圍狗狗唔俾入~ 唔緊要啦~ 成間餐廳都已經好靚~ 又舒服~ 唔經唔覺就可以喺度休息返一兩個鐘~~ :)餐牌~ 我哋點咗藜麥飯~ 另加兩隻雞翼，同埋另叫咗杯益力多烏龍茶 食飽飽，補充咗元氣~ 就梗係帶番薯周圍喺餐廳影相啦~!! 呢度好歡迎狗狗周圍影相，只要唔好周圍跑同埋記得著片片咁就得喇~~~呢架車仔好吸睛呀!!! 放番薯上去，搖身一變變車神呀!!! 有冇靚女想坐佢車呀? :)點擊圖片放大 綠化空間環境吸引!! 真係俾人一種好RELAX嘅感覺呀~!! 就連門口影相都好靚呀!! 就咁影入去~ 好綠化，望住都覺得好RELAX好CHILL呀!!! 非專業小評分: 環境: 🌸🌸🌸🌸🌸/5環境真心舒服，成日用電腦 / 手機，真係要望下綠色嘢~ 成個環境即刻RELAX咗~ 而且好多益智BOARD GAME，係時候放低手機同朋友聚下~! GATHERING真係一流~ 又好PET FRIENDLY，狗狗可以落地行~ VERY GOOD!!! 食物質素: 🍔🍔🍔/5其實選擇唔多，食物都冇乜特別之處，味道一般般，個雞翼OK，但杯嘢飲我想講一講，我係叫咗杯益力多烏龍茶，淡到好似水咁... 完全冇益力多味... 烏龍茶同水嘅比例可能係1:10? 使費: 💰💰💰💰/5承上題，一杯完全冇味嘅益力多烏龍茶，賣$43一杯... 下次我會叫清水好了。佢個PIZZA可以叫齋亦都可以叫有肉的，價錢正常，但沙律偏貴。 交通: 🚗🚗🚗🚗/5南豐紗廠位置大家一定唔會陌生，CALL車都只得一個出入口，容易搵路嘅，雖然話有FREE SHUTTLE BUS，但好少時間一班車，由荃灣地鐵站 / 荃灣西行過嚟都幾遠，都起碼要15-20分鐘，反而大西北嘅朋友比較方便，外面就係巴士站了。
