喺屯門嘅御海灣，聽講愈開愈多PET FRIENDLY嘅餐廳~ 最近成為狗狗同主人去嘅熱點~! 我哋元朗狗狗今次就去試下啦~~~!!今次我哋就揀咗上年年尾先開嘅餐廳 -- Peloton 試一試佢喇~!!Peloton Cafe地址：屯門海皇路23號御海灣G14號鋪網上預約訂座：https://pelotonhk.simplybook.asia/v2/餐廳主要係供應西式食物為主，例如手工意粉、漢堡等。設計方面揉合單車、露營作為主題，設室內外位置，戶外空間闊落，所以吸引好多嚟屯門單車遊嘅朋友到訪，門口仲有條單車架，係可以俾人放單車㗎~!!當然，今次我都係帶番薯去啦~!!其實御海灣都幾獨特，無論幾熱幾曬都好，都總會有好強勁嘅風~! 所以就算坐外面都唔算太熱嘅~ 我哋去到本身外面冇其他人，但係哥哥都好好咁開咗個大傘俾我哋呀!! 餐廳12點先開~ 我哋就 12:10PM去到~ 叫嘅食物都係會以「外賣」形式喺外面享用。呢個係5/24嘅LUNCH SET MENU: 佢主打係手打意粉，於是我叫咗個 C 餐~!! 包湯同麵包，但就唔包嘢飲，所以，嘢飲我係分開叫嘅~ 湯其實係蕃茄湯，都幾好飲嘅，不過最尷尬嘅係，個「紙湯碗」太大，D湯又好淺，好似啱啱舖滿面咁，感覺一上，就好似俾人飲晒，我飲緊人哋食剩嘅嘢咁... XD張相係我仲未開始飲... 就已經好似飲完咁喇...另外有麵包，點湯飲幾好，就咁食好普通...另外我自己叫咗杯 LIME SODA 好喇~ 主菜上~ 呢個係黑松露虎蝦、露荀手打意粉意粉係偏厚身，真係會飽嗰隻，虎蝦真係好大隻，有4隻咁多，汁都夠嘅~! 再影下其他相~! 下次再去御海灣試埋其他餐廳先~!! 非專業小評分: 環境: 🌸🌸🌸🌸/5由於帶住狗狗，餐廳入面我唔知點樣，亦都睇唔到個主題，不過外面坐得幾舒服，有客人又會主動開大傘俾你~ 嗰個位都幾大風~ 幾爽~! 唔錯~!! 食物質素: 🍔🍔🍔/5冇想像中咁WOW! 個手打意粉係好飽，黑松露味反而冇乜。虎蝦係大大隻但係冇乜味，個湯一般但「上菜」時 「紙湯碗」太大，搞到好似得兩啖湯咁有D奇怪。杯LIME SODA好啖，好似飲緊齋SODA。而且一個SET，有主菜、湯同麵包，嘢飲要另加就偏貴了。 使費: 💰💰💰💰/5一杯好似齋SODA嘅LIME SODA 要成 $38杯，我會EXPECT叫餐加十幾蚊我接受到，但就咁就有D貴，主菜價正常嘅，唔收加一係亮點~ 交通: 🚗🚗🚗🚗/5其實對面正正就係屯門泳池站~ 真係幾方便~ 不過本身地點都比較隔涉嘅~! 就算有個屯門泳池站但唔多輕鐵會經過，要轉車~!! CALL車、搭的士係方面，但調返轉上車點就難，當日我帶住狗狗，CALL咗10分鐘都冇車，仲開始落雨，最後好好彩截到一架剛落客嘅的士~~~
