今次想同大家介紹嘅係一間喺美孚新村入面嘅餐廳 -- 滾球運動主題餐廳連主題餐廳共二萬四千呎，餐廳可以容納接近100人。係一間西式餐廳嚟嘅~ 就嚟到夏天喇~ 梗係想搵多D可以帶狗狗又可以食餐好嘅餐廳喇~!八號草Rink 8 地址：美孚新邨四期商場一樓Simply Bowls內 (美孚地鐵A出口)電話： +852 2320 0919 / Whatsapp +852 5540 8364營業時間: 星期一至日 11:00-23:00 (Last order 21:15)門口已經好吸睛~! 有隻恐龍喎! 哈哈~~~不過，好快就已經做咗番薯嘅坐騎 / 騎寵喇~~ :) 餐廳範圍係可以俾狗狗落地嘅，雖然稱唔上可以放到電可以跑~ 不過現場真係有好多人帶狗狗嚟食飯~! 大狗都可以呀~! 真係 pet friendly嘅~ 要好好珍惜仲可以帶狗狗入室內嘅地方，大家記得要同狗狗著片片呀!!大家睇下個餐牌先~ 聽講係由前五星級酒店大廚坐陣架~! 未開餐之前，我就帶咗番薯去唔同嘅地方打下卡，影下相先~!! 除咗餐廳範圍之外，大家最好都手抱狗狗去其他範圍喇~ 最好唔好打擾到其他驚狗狗嘅朋友喇~!!!餐廳分為三個部份 -- 餐廳 + 滾球運動位置 + GYM 呢個係 GYM 嘅位置~點擊圖片放大 滾球位置就正正喺餐廳隔離: GYM 同餐廳中間有個地方俾你玩飛鏢relax下~ 講返最重要嘅餐廳部份好欣賞成間餐廳嘅裝修~ 有個大魚缸~ 有兩張枱係可以望住d魚食飯~ 好受小朋友歡迎架~! 枱同枱中間有好多梳化位~ 可以俾人客放嘢真係好貼心~! 我放咗番薯喺度仲舒服到瞓覺tim呀~!! 當日我哋係約咗幾隻狗狗一齊約會~! 大家記得記得一定要book位呀!我哋當日真係見到有人抱住狗狗失望而回~~! 用whatsapp book位都好方便呀! 非專業小評分: 環境: 🌸🌸🌸🌸🌸/5餐廳感覺好CLUB FEEL~ 但係係好舒服嘅~! 坐位、環境同裝修都令你好RELAX~ 亦都好勁冷氣~! 餐廳隔離就係滾球練習場，睇到人哋喺度玩都好得意~! 而且門口嘅左邊有少少狗狗零食賣~! 真係PET FRIENDLY㗎~!! 食物質素: 🍔🍔🍔🍔🍔/5有前五星級大廚坐陣梗係好食啦~! 連湯同沙律都好好味~! 我哋叫咗豬扒，居然外脆內軟真係好好食~! 仲有叫咗個龍脷扒~ 都好JUICY同滑~ 記得要試呀!! 使費: 💰💰💰/5 (真心唔貴~)正常西餐廳價~ 百幾蚊一位~ 但可以玩下GYM又可以玩下飛鏢~ 都幾抵呀!!! 交通: 🚗🚗🚗🚗🚗/5喺正美孚新村商場入面，我哋帶狗狗一落車都容易搵~ 一入商場上樓就見到~! 又近地鐵站，交通真係幾方便~!!
