今次帶大家去流浮山，流浮山嘅傳統印象係海鮮同漁村，好似冇乜特別，但係原來上年11月呢個地方開咗間高質嘅法國餐廳~ 大家可能喺度諗，點解我唔去中環度食，要去呢D咁僻嘅地方食呢? 原因當然係: (1) 無錯，可以帶狗狗，完全 pet friendly 的餐廳~ (2) 米芝蓮大廚會將流浮山出名嘅嘢同D菜CROSSOVER 呢間咁DRAW ATTENTION嘅餐廳，已經靚到不得了！藍白色像極了希臘地中海風格~ 要室外同室內~ 連個廁所都係藍白TONE瓷磚簡直靚到不得了呀!!! 一入餐廳，左手邊有個咖啡車仔~ 都好具特色，又係影相位之一~ 短短一個月，其實我已經去咗兩次喇~~ 一次坐室內~ 一次帶狗狗坐室外~ 點擊圖片放大 至於食物~ 真心高質~ 我哋叫咗個TEA SET~ $488兩位~ 上盤嘅時候係咁嘅樣: 員工會拎住一盤過嚟，俾大家打卡先~ 然後就會細心逐件同大家介紹係咩嚟~ 另外一個員工會準備一棵「大樹」~ 就係用嚟放CAKES㗎喇~! 員工超級細心，會由鹹點然後甜點~ 每樣都話俾你聽入面係咩嚟~ 居然咁好嘅服務，真係酒店式水準呀!!! 某D CAKE，加咗蝦醬同腐乳，係咪估唔到呢？但又好好食喎！ 我哋當然唔只叫咗呢樣，另外不得不介紹，仲有鹹蛋黃薯條，車~! 有咩咁特別? 我頭先講過，喺流浮山，會用返呢度嘅特產去入饌~! 呢樣先值得表揚~ 味道仲好出色~! 今次呢個薯條就加咗蝦米~ 超級夾呀!!! 另外我哋仲叫咗甜品~ 本人十分推介烏龍茶雪糕~! 大家可能話，有咩咁特別? 大家留意下幅圖上面嗰塊物體~~~ 車~!! 咪朱古力囉，未食過咩? 錯喇~~ 當你以為係一塊朱古力，放入口之後，OMG!!! 原來係一塊用烏龍茶味嚟造嘅米餅呀!!!!!! 不得了！簡直同雪糕夾到不得了呀！ 非專業小評分: 環境: 🌸🌸🌸🌸🌸/5 餐廳範圍有外國FEEL，佈置環境也很不錯。 真係覺得去咗個小旅行，無論環境同裝修都好用心~! 周圍又有打卡位~ 仲可以俾狗狗影相~一流~! 食物質素: 🍔🍔🍔🍔🍔/5 我朋友點咗個軟殼蟹金蠔潛艇(唔好意思我冇影相~)，醬汁一流~! 食物用心，我覺我利用環境因素將流浮山嘅特點入饌係好特別嘅~~ 好值得推介。 使費: 💰💰💰💰/5 二人TEA SET $488，軟殼蟹金蠔潛艇$198，其他食物都係呢D價，但我覺得餐廳服務、食物標準都係上級，所以都還好~ 唔係平嘅，但係都值得一去。 交通: 🚗🚗🚗/5 門口有得泊車，坐流浮山巴士去到總站一落車就係，元朗居民嚟講，方便同就腳~ 不過當然同市區相比就真係偏遠啦~!! 食完嘢可以睇日落、食海鮮、買海味~ 都幾好丫~!!
