雖然疫情期間取消live show，但聽住音樂，配埋柔和嘅光線同枱面上嘅燭光，依然好有氣氛！點擊圖片放大 +2 ✨威靈頓牛柳配法式伯拿西醬佐意大利鮮香芹及甜醋初榨橄欖油(必須半日前預訂)(2人用) $788Book位時預訂埋嘅威靈頓牛柳，是夜最期待嘅菜式😍果然冇令我地失望，絕對係必食推介❤️賣相擺盤精美！金黄色嘅酥皮非常酥脆鬆化！酥皮切開後唔會甩皮甩骨保持完整。內裡包住酒紅色嘅牛柳，牛柳多汁，而且肉味香濃，肉質冇筋冇渣，入口軟腍鮮嫩！酥皮緊緊包住牛柳，中間夾住一圈鵝肝醬同蘑菇蓉，香氣濃郁，味道豐富有層次！點擊圖片放大 ✨刁草牛油香煎澳洲深海盲鰽魚柳配輕煮意大利煙燻培根伴蔬菜佐熱帶風味莎莎 $248盲鰽以刁草牛油煎香，魚皮脆脆地，肉質雪白，結實有咬口又好嫩滑，非常鮮味！配上菠蘿芒果煮成嘅莎莎，酸甜清新，味道開胃之餘更有提鮮作用！點擊圖片放大 ✨韓國松葉蟹膏龍蝦湯配自家製牛油烤西班牙水晶包$188松葉蟹膏龍蝦湯濃稠香滑，蟹膏鮮味滿瀉，一上枱已經聞到！真係啖啖鮮甜！水晶包外皮香脆，內裡煙韌，點埋橄欖油黑醋好正！點擊圖片放大 +2 ✨鐵板水牛城雞塊配岩漿芝士 $168大量岩漿芝士鋪滿雞塊，雞塊啖啖肉，肉質嫩滑juicy，配埋芝士，非常惹味！點擊圖片放大 ✨法式焦糖燉蛋配愛爾蘭奶油利口酒及雪糕 $118賣相有特色，用咗中國風藍白瓷碗。大大碗焦糖燉蛋，焦糖薄薄一層，金黃香脆，燉蛋非常綿滑，蛋味濃郁，甜度適中。 ✨飲啦孝順 $68獨家碌柚葉雞尾啤！香氣獨特，味道清幽易入口。用上碌柚葉、桂圓、杞子、紅棗等慢煮4-12小時提取當中天然甜味，並將其加入配合以12種天然草本植物釀製的英國琴酒 Beefeater Gin 進行發酵，以提升整體香氣，最後以接骨木花香的St. Germain Elderflower Liquor 和100％麥芽釀製，口感輕盈的 Helles 啤酒收結入罐。📣逢星期二至四，紅酒、白酒、氣泡酒，Free Flow 2小時，$198起！大家一齊 Happy Together !!🥂🍻---------------------------------------------🍽️LOST STARS LIVEHOUSE BAR & EATERY📍大角咀利得街11號利奥坊一期地下506號舖📍Shop 506, G/F, Phase 1, Square Mile, 11 Li Tak Street, Tai Kok Tsui🚇港鐵奧運站 C1 出口, 步行約6分鐘---------------------------------------------
