善慶街環境舒適寧靜，樓梯兩旁都係特色小店，臨近新年，附近仲有手寫揮春賣，整條街都好有氣氛，好有特式。 呢日特登book定位嚟試下季節限定嘅蟹羔牛角包，為咗避開人流，兩點左右嚟到餐廳，依然全院滿座，果然係人氣爆燈！想食最好book定位😉 同朋友叫咗一人一個lunch set，每人$280有找，包括特色流心牛角包，主菜，甜品同飲品。點擊圖片放大 ✨龍蝦湯牛角包 流心牛角包係呢到嘅特色自家製產品，絕對係必食item！牛角包外層酥脆！一切開，入面嘅龍蝦湯湧出嚟，滲出陣陣嘅龍蝦鮮味！龍蝦湯非常香濃，配埋外脆內軟嘅牛角包，真係令人一試難忘！點擊圖片放大 +2 ✨爆漿日本蟹羔牛角包 食過真係翻唔到轉頭嘅爆羔牛角包！熱辣辣又酥脆嘅外層，面頭放上蟹籽及蟹羔，未切已經香氣四溢！牛角包入面嘅蟹羔係要用爆滿嚟形容，酥脆嘅外層，加上啖啖creamy蟹羔，味道甘香濃厚，食過之後口腔內嘅鮮味久久不散！回味無窮呀！點擊圖片放大 +2 ✨Chicken Breast High Protein Meal (w/Egg White Roll & Salad Greens) 朋友大讚嘅雞胸肉，慢煮過後，雞胸肉保持滑溜juicy，肉質纖維細嫩，比平時食到嘅雞胸肉有明顯嘅分別。蛋白卷同樣出色！外表金黃，略帶焦脆，內裡滑捋捋好水潤！口感有趣！伴碟沙律菜清新爽甜，係一道美味有健康嘅菜式！點擊圖片放大 +2 ✨Wagyu Cheek w/Black Garlic Mashed Potatoes & Crispy Taro 和牛臉珠登，每隻和牛得一對㗎咋！肉質粉嫩，口感軟腍細緻得嚟有彈性！伴碟嘅黑蒜薯蓉，味道甜甜同時吸收和牛嘅肉汁精華，又滑又好味！面頭嘅脆芋絲，更增強口感嘅豐富度！ ✨Creme Brûlée 真空慢煮法式焦糖燉蛋，賣相精緻，焦糖脆面金黃，燉蛋充滿蛋香。 ✨Cheesecake 真空慢煮法式芝士蛋糕，配上酸甜清新嘅藍莓醬，食落甜而不膩，芝味滿滿！ ✨Blackie 朋友嘅黑墨咖啡，用咖啡/芝麻/燕麥奶調製而成，仲係純素特飲。 ✨Rose Latte 賣相吸引！心心拉花加上玫瑰花瓣碎，好靚😍玫瑰香氣天然適中，飲到花香之餘又唔會蓋過咖啡嘅香氣。---------------------------------------------🍽️享慢煮意 Fast Gourmet📍中環善慶街9號地舖📍G/F, 9 Shin Hing Street, Central🚇港鐵上環站 A2 出口, 步行約6分鐘---------------------------------------------
